Prestigjozja amerikane the Washington Post dhe Agjencia e Lajmeve Associated Press, theksuan se kryeministri i Shqipërisë, Edi Rama kërkon të rifitojë zgjedhjet këtë fundjavë në mënyrë që ai të mund të vazhdojë punën për të shndërruar një nga vendet më të varfra të Evropës në një kampione të turizmit.
Ndikimi negativ i pandemisë në ekonominë e Shqipërisë do të jetë një nga çështjet përcaktuese në zgjedhjet parlamentare të së dielës, të cilat BE i ka vënë si kusht për të filluar negociatat e plota për të pranuar vendin e vogël ballkanik si anëtar. Parregullsitë kanë dëmtuar rëndë zgjedhjet e mëparshme në Shqipërinë postkomuniste.
Kryeministri në detyrë Rama përmendi edhe një aeroport të ri ndërkombëtar që u hap të dielën, një marrëveshje të re ndërtimi e arritur sot për një aeroport tjetër në vijën bregdetare të vendit prej mbi 300 kilometrash dhe planifikon të kthejë portin e Durrësit në një destinacion vetëm për tragete, jahte dhe anije të tjera argëtimi.
“Ne jemi në rrugën e duhur për ta shndërruar këtë vend në kampionin e Ballkanit Perëndimor për turizëm”, tha Rama në një intervistë për ”The Associated Press”.
Sondazhet parazgjedhore kanë treguar se Partia Socialiste e drejtuar nga Rama ka të ngjarë të jetë fituese e këtyre zgjedhjeve.
Në 2019, Shqipëria tërhoqi më shumë se 6 milionë turistë, kohë kur turizmi zinte rreth 9% të PBB-së. Shifrat paraprake të vitit 2020 nga Ministria e Turizmit tregojnë një rënie prej të paktën 40% të të ardhurave nga turizmi, që i atribuohet pandemisë. Një shtetrrethim me orar të caktuar kryesisht gjatë natës, rregullat e distancimit social dhe masa të tjera të kontrollit të virusit të urdhëruara nga qeveria kanë prekur kryesisht hotelet, restorantet dhe kafenetë.
Si pjesë e programit të vaksinimit masiv të vendit, qeveria ka trajtuar me përparësi punonjësit e hoteleve dhe restoranteve si dhe operatorëve të shtëpive private me qira përgjatë bregdetit ose në vendpushimet malore.
Pas ankesave të mëparshme për vonesat në shpërndarjen e vaksinave, Rama falënderoi ekzekutivin e Bashkimit Evropian për dhurimin e 145 000 dozave të vaksinave për Shqipërinë. Shqipëria, ka nisur vaksinimin me një gjysmë milioni të vaksina të prodhuara në Kinë.
Brukseli i hapi dritën jeshile Shqipërisë dhe Maqedonisë së Veriut në fund të vitit 2020 për fillimin e negociatave të anëtarësimit të plotë, por nuk është përcaktuar asnjë datë për konferencën e parë ndërqeveritare.
”Integrimi në Bashkimin Evropian mbetet qëllimi kryesor i Shqipërisë”, tha Rama.
“Procesi i integrimit… është një proces i kapërcimit të pengesave. Nuk kemi zgjidhje tjetër. Ne duhet të vazhdojmë, të luftojmë dhe të arrijmë atje dhe ne do ta bëjmë këtë”, tha ai.
Shqipëria pati një rënie prej 3,31% të PBB-së në 2020 për shkak të pandemisë dhe një tërmet fatal me magnitudë 6,4 ballë Rihter më 26 nëntor 2019 shkaktoi dëme të konsiderueshme në ekonominë e vendit.
”Hapat e ardhshëm për vendin janë tejkalimi i pasojave të pandemisë dhe pasojave të tërmetit dhe ta ngremë Shqipërinë më lart”, thotë kryeministri.
.“Ne duam të jemi kampionë në turizëm. Ne duam të jemi kampionë në energjetikë. Dhe ne sigurisht që mund të jemi kampionë në agroturizëm”, shton Rama.
”Ne duhet të shkojmë më tej. Dhe këto janë qëllimet tona”, përfundon ai.
Lajme të tjera
-
'Gëzuar Krishtlindjet', kartolina e krerëve të shtetit, politikës e ndërkombëtarëve për të krishterët! Begaj: Të reflektojmë mbi vlerat më të larta të njerëzimit
25 Dhjetor, 08:09 -
Akuzat e opozitës për mbylljen e TikTok! Rama fiton garën me fansat, 2 milionë pëlqime! Berishën e mund edhe Arlind Qori
24 Dhjetor, 19:58
-
'Thuhet lart e poshtë ‘ai fiton, se opozita është e dobët!’ Rama 'thumbon' kritikët: Ka një arsye kryesore për fitoret e mia...!
24 Dhjetor, 19:53 -
Rama me ambasadorët: Do doja që karrigia e Federatës Ruse të mos ishte bosh, viti tjetër sjelltë paqe në Ukrainë dhe Lindjen e Mesme!
24 Dhjetor, 19:15 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Ekonomia u rrit me 4.09% gjatë sezonit veror! Ndikim kryesor, bumi turistik dhe rritja e pagave në administratë
24 Dhjetor, 12:20
-
Kryeministri Rama ndan medaljet për 188 nxënës ekselentë: Jeni heronjtë e mi, ju kam zili! Manastirliu: Kini guxim të ëndërroni
24 Dhjetor, 11:59 -
Festat e fundvitit, fëmijët dhe prindërit e skuadrës së kryeministrisë festojnë së bashku
24 Dhjetor, 08:19 -
'Mirror': Shqipëria, parajsa evropiane tërësisht nën radarin e turistëve
24 Dhjetor, 07:51 -
Çiklizëm/ 'Giro d’Italia' 2025 fillon nga Shqipëria me tre etapa, Rama: Garohet në Tiranë, Durrës dhe Vlorë! Ndiqet nga 800 milionë njerëz (Itinerari)
23 Dhjetor, 13:07 -
Deputeti i PDK-së flet për Report Tv: Fjalimi i Ramës në parlamentin e Kosovës gjithpërfshirës, dha mesazhe se jemi një! Negativiteti i Vetëvendosjes, i pashpjegueshëm
23 Dhjetor, 12:21 -
Do të shpërndahen mbi 20 mijë libra artistikë për bibliotekat shkollore, Rama: S’ka dhuratë më të bukur në këtë prag festash
23 Dhjetor, 08:38
