Pretendimet e Listës Serbe për dhunimin e 2 personave, reagon policia e Kosovës: Aspak e vërtetë, kemi pasur sjellje profesionale

Policia e Kosovës ka mohuar akuzat mbi pretendimet e Listës Serbe për dhunimin e dy serbëve gjatë një ndalimi në rrugën Izvor-Banjska në komunën e Zveçanit.

“Deklarimet e ndryshme se kinse policia i ka rrahur dy prej këtyre personave nuk qëndrojnë dhe janë të pavërteta”, u tha në reagim, duke shtuar se gjatë këtij ndalimi nuk ka pasur sjellje joprofesionale policore.

LEXO EDHE:
Hakerët rus sulmuan faqet e institucioneve të Kosovës

Ky reagim vjen pas denoncimit të djeshëm të bërë nga Lista Serbe ku pretendohej se dy persona, motër e vëlla minorenë ishin keqtrajtuar nga policia e Kosovës.

“Ata u rrahën brutalisht sonte në fshatin Zhitkovac, në komunën e Zveçanit, teksa po ngisnin një motor”, pretendoi Lista Serbe, duke akuzuar Qeverinë e Kosovës, të udhëhequr nga Albin Kurti, se po “bën gjithçka për të dëbuar popullin serb”, dhe se komuniteti ndërkombëtar “nuk po bën asgjë për të mbajtur përgjegjës Kurtin”.

Lajmi kryesor:

Vuçiç: Nuk takohem me Albinin në Bruksel! Kurti: Po bëjmë gjithçka për lirimin e 3 policëve të rrëmbyer! Mediat serbe: Serbët do formojnë vetë asociacionin

B.V/Shqiptarja.com

TAG:
• kosove
• lista serbe