POP 5

Lajmet më të lexuara të 5 minutave të fundit

Sport

Prezantim ëndrrash i Mbappe-s te Reali, zotimi i francezit: Jap jetën për klubin, emocionohem nga nëna ime që qan

Me një numër rekord të pranishmish në Bernabeu Kylian Mbappe është prezantuar zyrtarisht si futbollist i Real Madridit. 25-vjeçari premtoi se do japë jetën në fushë për klubin, ndërsa shtoi se sot ishte një ditë e pabesueshme, pasi për shumë kohë ka fjetur duke ëndërruar të luajë për Real Madridin.

Tani nuk është më një mirazh, por realitet. Kylian Mbappe është futbollisti më i ri i Real Madrid dhe prezantimi është bërë në Bernabeun e mbushur me mbi 80 mijë tifozë.

25-vjeçari francez mbërriti herët në mëngjes në qendrën e Real Madrid ku fillimisht kreu vizita mjekësore dhe më pas hodhi firmën në kontratë, që do e mbajë të lidhur me ‘galaktikët’ për 5 vite. Shifrat e detajuara ende nuk dihen, por te Reali Mbappe pritet të përfitojë rreth 30 milionë euro në sezon.

Ndërkohë që kryente këto detyrime, në Bernabeu tifozët prisnin me padurim prezantimin e Mbappes. Fillimisht presidenti i Realit Fiorentino Perez mbajti një fjalim, teksa në tribunë ishte edhe Zinedin Zidan, ai i cili 12 vite më parë e solli Mbappen te Reali për një provë. Ndërkohë sulmuesi ishte i shoqëruar nga prindërit e tij, të cilët u panë shumë të emocionuar.

Më pas vetë Mbappe mbajti një fjalim, duke befasuar që në nisje, pasi foli në gjuhën spanjolle.

Më pas ai puthi logon e Real Madrid, ndërsa premtoi dashuri të madhe për klubin me 15 Champions League.

“Ëndrra ime u bë realitet, jam në klubin më të madh në botë dhe dua të të fitoj. Jam shumë i emocionuar teksa shoh nënë time e cila i ka sytë me lot… Është një ditë e pabesueshme për mua,”-u shpreh Mbappe ndër të tjera gjatë prezantimit.

Në fund nuk mungoi edhe refreni në mbështetje të Real Madridit, por që ishte identik siç Ronaldo bëri në verën e 2009 kur u prezantua te ‘galaktikët’.

 

Ne.k./E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Ligjbërësit iranianë kërkojnë ndryshimin e projektligjit të rreptë për hixhabin

Ligjbërësit iranianë kërkojnë ndryshimin e projektligjit të rreptë për hixhabin

18 Dhjetor, 15:09