POP 5

Lajmet më të lexuara të 5 minutave të fundit

Arkiva

Prilli i mallkuar për amerikanët
janë shënuar tragjedi me vdekje

Si për ironi të fatit, muaji prill ka shënuar tragjedi me vdekje masive në historinë moderne amerikane. Prilli ka shënuar frikë, gjakderdhje dhe ka marrë jetë të pafajshme duke tronditur opinionin publik.
SHBA - Muaji i katërt i vitit është muaji i mallkuar për amerikanët. Prilli, muaji i frikës, terrorit dhe gjakderdhjes. Vitet e fundit në SHBA prilli ka shënuar tragjedi, që ka njollosur historinë amerikane.

Episodi i fundit është ajo e dy ditëve më parë, e hënë 15 prill ku shpërthimet me bombë në maratonën më të famshme në botë vranë 3 persona dhe plagosën dhjetëra të tjerë.

17 prilli 2007 është dita e tragjedisë vdekjeprurëse përmes sulmit në shkolla, në historinë e SHBA-së moderne, ku në Universitetin e Virginia Tech një student vrau 32 persona dhe më pas veten e tij.

18 prill 1995 një tjetër ditë pranverë në Oklahama City, ku dy ekstremistë shperthyen një kamion-bombë përpara në një ndërtesë federale, duke vrarë 168 persona përfshirë edhe 19 fëmijë si dhe 680 të plagosur.

Një tjetër datë e përgjakshme e muajit prill në historinë amerikane. Më 20 prill 1999 dy persona për të festuar ditëlindjen e Adolf Hitlerit vranë në Columbinë High School 13 persona dhe plagosën 24 të tjerë.

Sinonime frike gjithë këto ngjarje, që kanë marrë jetë të pafajshme.

Ndërkohë në tragjedinë e fundit të Bostonit, FBI-ja dyshon se shpërthimi mund të jetë shkaktuar nga pajisje, që i ngjan një tenxhereje me presion, që ishin bartur me çanta shpine.

Gjithashtu presidenti amerikan Barack Obama ka sqaruar se shpërthimet po hetohen në pistën e një akti terrorist dhe pritet që të vizitojë Bostonin ditën e enjte.

(ad.ti/l.ç/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Përplasen dy trena në Bullgari, 2 persona humbin jetën dhe 6 të tjerë plagosen

Përplasen dy trena në Bullgari, 2 persona humbin jetën dhe 6 të tjerë plagosen

15 Janar, 22:55