Princ Harry: Kam vrarë 25 persona kur isha në Afganistan! S’ndihem fajtor, nuk i shihja si njerëz

Princi Harry pohon në kujtimet e tij në librin Spare se ka vrarë 25 njerëz ndërsa ishte në detyrë ushtarake në Afganistan, gjatë turneut të tij të dytë si pilot helikopteri Apache.

Duka i Sussex-it e bëri këtë në kujtimet e tij, të cilat ende nuk janë publikuar zyrtarisht, por u zbuluan dhe u hodhën në shitje rastësisht në Spanjë. Ai fluturoi në gjashtë misione që rezultuan me “marrjen e jetës njerëzore”, për të cilën nuk është as krenar dhe as si vije turp, sipas mediave britanike nga biografia e tij, shkruan SkyNeës.

Në kulmin e betejës, Harry nuk i mendonte 25 viktimat e tij si "njerëz", por si "pushta shahu" që ishin hequr nga tabela, raportoi The Telegraph. Kjo është hera e parë që 38-vjeçari tregon se sa luftëtarë talebanë ka vrarë gjatë shërbimit të tij ushtarak.

Princi Harry shërbeu në ushtri për 10 vjet, duke u ngritur në gradën e kapitenit dhe duke shërbyer dy turne në Afganistan. Ai tha se pasi të kthehej në bazë, do të shikonte video të çdo vrasjeje, sepse një kamerë e montuar në hundën e helikopterit të tij regjistronte çdo mision.

Ushtarët zakonisht nuk e dinë se sa armiq kanë vrarë, thotë ai, por "në epokën e Apache-ve dhe laptopëve" ai mund të thoshte "saktësisht" sa vrau

“Dhe më është dukur e rëndësishme të mos kem frikë nga ai numër. Pra, numri im është 25. Nuk është një numër që më mbush me kënaqësi, por as nuk kam turp”, shkruan ai.

"Nuk ndihem fajtor. Nuk mund të vrasësh dikë nëse e sheh si person, por ushtria më ka trajnuar që t'i shoh si "të tjerët" - dhe ata më kanë trajnuar mirë".- ka thënë ai. 

G.MO/Shqiptarja.com

TAG:
• princ harry
• Afganistan