Princi William bën thirrje për ndalimin e luftës në Gaza: Jam thellësisht i shqetësuar, shumë njerëz janë vrarë

Princi i Mbretërisë së Bashkuar, William, bëri thirrje për ndalimin e luftës në Rripin e Gazës. Nëpërmjet një deklarate të rrallë, princi britanik ka kërkuar që të ketë një mbështetje më të madhe humanitare në Gaza ku kanë humbur jetën me dhjetëra mijëra persona.

"Jam thellësisht i shqetësuar për koston e tmerrshme njerëzore të konfliktit në Lindjen e Mesme pas sulmit terrorist të Hamasit më 7 tetor. Shumë njerëz janë vrarë. Unë, si shumë të tjerë, dua të shoh një fund të luftimeve sa më shpejt të jetë e mundur. Ekziston një nevojë e dëshpëruar për mbështetje më të madhe humanitare në Gaza. Është jetike që ndihma të arrijë dhe që pengjet të lirohen."- tha Princi William.

LEXO EDHE:
Pasuesi i Escobar/ Alexander Kasanof, zëvendësndihmës sekretar i SHBA-së për Ballkanin Perëndimor

Lajmi kryesor:

Lufta në Gaza/ Hamas: Mbi 29 mijë palestinezë të vrarë dhe afro 70 mijë të plagosur! Ministri izraelit: Më e rëndësishme se lirimi i pengjeve është shkatërrimi i Hamasit

B.V/Shqiptarja.com

TAG:
• SHBA
• lufta ne rripin e gazes