Prishja e pallatit të ‘Myslym Keta’, Meta: Qëndroi në këmbë për tre vjet, Bashkia nuk priti që banorët të merrnin plaçkat! Më 14 maj u pritet bileta pa kthim

TIRANË- Kreu i Partisë së Lirisë, Ilir Meta ka komentuar prishjen e pallatit te rruga ‘Myslym Keta’. Në mbledhjen e Komitetit Drejtues të partisë, Meta tha se ai pallat kishte qëndruar për tre vite në këmbë ndonëse ishte dëmtuar nga tërmeti, por bashkia e prishi një orë e më parë pa lejuar as banorët që të marrin plaçkat e tyre. Sipas Metës, i vetmi nxitim i tyre ishte që të prishnin këtë pallat pasi e dinë se më 14 maj, ditën e zgjedhjeve lokale, do u pritet bileta pa kthim.

“U sulmuan me tërbim edhe pallati i fundit të rruga Myslym Keta. Banditët nuk prisnin dot ti linin banorët të mblidhnin plaçkat pale të prisnin vendimin e gjykatës. Pallati qëndroi në këmbë tre vjet pas tërmetit, tani horrave të bashkisë nuk u priste puna asnjë orë, sepse e dinë që 14 maji është bileta pa kthim për ta. IKMT është kthyer në kamxhikun drejtues të Ramës ndaj të pambrojturve”, tha Meta.

Ky reagim i Metës vjen pas prishjes së pallatit te Myslum Keta. Gjykata e Tiranës mori vendimin për prishjen e pallatit të dëmtuar nga tërmeti duke rrëzuar kështu kërkesën e PD pasi dhe Instituti i Ndertimit me herët e kishte shpallur të rrezikshëm pallatin. Banorët e pallatit nuk pat Banorët e pallatit nuk paten rezistencë gjatë aksionit të shembjes

SI.E./Shqiptarja.com

TAG:
• IKMT
• Partia e Lirise
• Ilir Meta