POP 5

Lajmet më të lexuara të 5 minutave të fundit

Sport

Pritet vetëm 'firma' e Ramës, bojkoti i futbollit drejt fundit! Fidel Ylli: Janë zgjidhur 90% e kërkesave

Qeveria ka pranuar sot ne takimin e dyte me perfaqesues te Ligës së Futbollit 90% të kërkesave . Pezull mbetet vetëm ligji për sponsorizimin për të cilën do të vendosë kryeministri Rama. Pritet vetëm firma e tij për nisjen e kampionatit të futbollit në Shqipëri.

Bojkoti i futbollit sipas të gjitha gjasave mund të marrë fund shumë shpejt, pasi takimi i dytë qeveri-futboll në Ministri të Financave ka qenë mjaft produktiv. Përfaqësuesi i qeverisë Fidel Ylli në përfundim të takimit tha se jane pranuar 90% te kerkesave te Liges.

"Janë zgjidhur 90% e kërkesave, ka ngelur vetëm Ligji i Sponsorizimit. Ka 2 variante, varjani jonë dhe i Ligës. Të dyja variantet konvergojnë, vetëm duhet gjetur modaliteti se si do zgjidhet,”-u shpreh ai.

Propozimi i Ligës Profesioniste për ligjin e sponsorizimit, e vetmja çështje e pazgjidhur, do t’i dërgohet kryeministrit Rama dhe sipas Fidel Yllit deri të premten do të ketë një pergjigje.

“Ne mendojmë që përgjigja përfundimtare do të jepet ditën e premte, mbasi ne të bisedojmë me kryeministrin, do t’i japim zgjidhje përfundimtare gjithë këtyre problemeve që Liga ka shprehur,”-deklaroi ai.

Me një frymë mjaft pozitive ishte edhe përfaqësuesi i futbollit, Edvin Libohova, i cili është presidenti i Ligës Profesioniste.

“Ministria me kolegët kërkoi kohë 2-3 ditë dhe deri të premten do të kemi një përgjigjje përfundimtare, për një zgjidhje e cila besoj do të pranohet edhe nga komuniteti i sportit, jo vetëm i futbollit, për të filluar pastaj një epokë të re,”-u shpreh Libohova.

Burime nga pala e futbollit bëjnë me dije se propozimi i tyre në parim është pranuar nga qeveria dhe me përjashtim të ndonjë ta papriture javën e ardhshme do të ketë futboll.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50