Amnistia penale e bllokuar sesionin e kaluar prej kaosit të opozitës në Kuvend, sheh dritë jeshile në Komisionin e Sigurisë Kombëtare ku jo vetëm janë bashkuar në diskutime socialistë e demokratë por opozita ka edhe një amendament.
“Kam depozituar në sekretarinë e komisionit një amendament për këtë projektligj. Do i lutesha zv. ministrit që ta shikonte amendamentin dhe ta merrte në konsideratë me idenë që të gjenim gjuhën e përbashkët”.- tha Xhaferaj.
Kështu drafti futet në rrugë parlamentare. Përveç deputetit Xhaferaj, në këtë komision u vu re edhe prania online e deputetes Monika Kryemadhi e partisë së Lirisë teksa kolegët e saj bojkotuan, një kthesë e papritur e opozitës për një ligj që kërkon 84 vota.
Vetë socialistët me në krye Kryetarin e komisionit Nasip Naço patën të tjera sugjerime për Ministrinë e Drejtësisë.
“Dhënia e amnistisë nuk ka të bëjë me uljen e popullimit sepse policia po arreston përditë dhe nëse ne lirojmë përditë japim mesazh të gabuar. Amnistia duhet për t’i dhënë mesazh institucioneve të drejtësisë për veprat që duhet të amnistojë. Ta orientojmë prokurorinë dhe gjykatën të japin dënime alternative në disa raste”.- tha Naço, deputet i PS-së.
Të mbetur peng të kaosit politik në kuvend, rreth 600 të burgosur, mes tyre 10 gra e 10 fëmijë nuk arritën të dilnin nga qelia në fund të 2023. Në fillimin e sesionit të ri parlamentar, mazhoranca bëri thirrje që opozita të bashkojë votat për draftin e amnistisë dhe duket se palët po tolerojnë njëri tjetrin.
Në komisionin parlamentar të sigurisë ku u diskutua projektligji për amnistinë, deputetët e Partisë Socialiste, përmes pyetjeve drejtuar zëvendës ministrit të Drejtësisë Klajd Karameta, propozuan mundësinë e zgjerimit të veprave penale të përfshira në amnisti.
‘Disa vepra penale siç është peshkimi i ndaluar. Nëse është i dënuar ju i amnistoni, nëse është në ndjekje penale për peshkim të ndaluar, nuk e amnistoni. Apo prerje të paligjshme të pyjeve. Nëse është i dënuar amnistohet, nëse është në ndjekje penale ku parashikohet deri një vit nuk amnistohet.’- tha Nasip Naço.
Ndërsa deputeti Bujar Çela tha se duhet të amnistohen edhe ata që dënohen me gjoba për ndërtime pa leje.
‘Ka shumë vepra penale që trajtohen në këtë amnisti. Duhet të zgjerohet spektri i përfituesve. Kemi të dënuar që janë rrahur me njeri-tjetrin dhe vazhdojnë të jenë të dënuar sipas Kodit të Procedurës Penale, edhe pasi ata mund të jenë pajtuar pasi ka qenë një zënkë ordinere. Unë dua të di në këtë spektër nuk mund të përfshihen edhe...se dënim është edhe gjoba për disa ndërtime pa leje kasolle, shtesa banjosh, avlli për të sistemuar familjen.
Kur themi të përfitojmë duhet të përfitojnë edhe ata që janë me detyrim me paraqitje. Shpresoj që spektri i kësaj amnistie duhet të shtohet akoma më shumë sepse është shumë i cunguar. Shpresojmë që kur ta diskutojmë nen për nen të jetë më i qartë dhe propozimet tona.’- tha Çela.
Deputeti Denis Deliu kërkoi zgjatje të afatit të amnistisë deri më 31 Dhjetor 2023 nga 30 Nëntor 2023 dhe u kërkoi deputetëve të opozitës që të gjejnë gjuhën dhe të bashkohen e të votojnë së bashku këto nisma të mëdha.
Lajme të tjera
-
Sherr te Siguria, Xhaferraj sulmon Vengun: Një ministër kalama bën ironi, je për SPAK! Kapet dhe me Naçon: Prokurori i komunizmit më përmend Traktatin e Varshavës
11 Nëntor, 15:02 -
Debate te Komisioni i Sigurisë/ Vengu: Buxheti me rritje, kap 2% e vendosur nga NATO! Kampus i ri për ushtrinë! Xhaferraj: Mos bëj ironi, je për SPAK
11 Nëntor, 14:44 -
VanHorn takohet me Naçon dhe Xhaferaj, në fokus gatishmëria ushtarake dhe siguria në Ballkanin Perëndimor
8 Nëntor, 16:49 -
DOKUMENTI- Grupi i PD kallëzon në SPAK 74 deputetët e PS, listën e prin Edi Rama: Penguan ekzekutimin e 2 vendimeve të Kushtetueses për mandatin e Xhaçkës
2 Tetor, 11:05 -
Edmond Haxhinasto e Nasip Naço ish- ministrat krushq dhe rivalë bëhen gjyshër! Postojnë foton e nipit
29 Korrik, 19:13 -
Pr.ligji i policisë së Shtetit, diskutim me debat te ‘Siguria’! Balla: Përmirëson organizimin e policisë! Metaliaj: Siguria në nivel 0! Ministri: Mos hidhni baltë
19 Korrik, 09:29
-
Salianji zbardh dëshminë e Ervin Muçës në Komisionin TIMS: Sistemi mund të jetë përdorur nga persona të krimit të organizuar
26 Qershor, 13:03
-
Rijetëzimi i industrisë ushtarake, Peleshi: NATO na hartoi raport për gjendjen e uzinave! Interes nga investitorë, do jemi aksionerë! Ndryshime edhe në ligj
18 Prill, 11:53 -
Miratohet në Komisionin e Ligjeve dekreti i presidentit Begaj për kthimin e ligjit 'Për Shtetësinë', të enjten rivotohet në seancën plenare
2 Prill, 13:54 -
VIDEO/ Afera Cez Dia, Nasip Naço thirret në SPAK: Kam folur me letra, jo me heshtje! Me ndryshimet ligjore i kurseva shtetit 40 mln euro
19 Mars, 08:55 -
Manja i shtrin dorën opozitës për amnistinë: Të bashkojmë votat në Kuvend, t’u japim mundësinë 700 të dënuarve të bashkohen me familjet
12 Janar, 14:41
-
Amnistia/ ‘Përfitojnë edhe personat në ndjekje penale’, Shehu zbulon kategoritë e të dënuarve që përfitojnë: Më së shumti meshkuj, deri në 14 gra! Ja cilët përjashtohen
7 Dhjetor 2023, 14:46
