TIRANË - Vazhdojnë problemet me fluturimet në aeroportin “Nënë Tereza”. Kësaj here është kompania Fly Ernest, që ka anuluar 3 fluturime, ndërsa 2 fluturime të tjera janë vonuar. 

Janë anuluar fluturimet e: Pisas i parashikuar të nisej në 10:30 dhe të Milanos, i parashikuar në 15:15 ndërsa është vonuar fluturimi i orës 20:20 drejt këtij destinacioni dhe fluturimi nga Pisa drejt Tiranës. 

Fluturimi nga Tirana në Milano (Malpensa) i parashikuar të nisej në 20:20 është vonuar dhe nuk ka ende një njoftim se kur do të nisen udhëtarët të cilët kanë shprehur shqetësimin e tyre në Report Tv.

“I morëm në telefon kompaninë, por i kanë të gjithë numrat të mbyllur. S’kemi ku të marrim asnjë informacion për situatën që është krijuar", është shprehur një nga qytetarët për Report Tv. 

Ende nuk ka një reagim nga kompania Fly Ernest për këto vonesa. Ndërkohë, Aeroporti Nënë Tereza bëri të ditur anulimin e dy fluturimeve paradite. Fluturimi i 3-të i anuluar është ai nga Milano drejt Tiranës, i parashikuar të nisej në orën 19:35. 

3 fluturimet e anuluara nga Tirana drejt destinacioneve italiane dhe një fluturim tjetër i anuluar nga Milano drejt Tiranës.