Edhe pse transporti publik mbetet një ndër mënyrat më të përdorura në qytetin e Tiranës, problemet në këtë sektor janë të shumta. Disa linja nuk respektojnë frekuencat, por ka edhe nga ata që bëjnë vonesa të qëllimshme në stacione për të kursyer e për të mbledhur sa më shumë pasagjerë.
Nga një vëzhgim që Report Tv bëri në stacionet e autobusëve, rezulton se vonesat janë deri në 30 minuta dhe se qytetarët duhet të presin në shi dhe temperatura të ulëta. Por jo vetëm vonesat, por edhe kushtet lënë për të dëshiruar.
"Përdor "Tiranën e Re" por është një linjë që ka vonesa shumë të mëdhaja, për ne është shumë problem sepse gjithmonë mbërrijmë shumë vonë në punë", u shpreh një qytetare. "Autobusi që unë pres gjithmonë, i "Uzinës Dinamo", vonohet shumë, shumë fare, dhe ka raste që në shkollë iki në këmbë sepse mund të vonohem në mësim", u shpreh një tjetër qytetar.
"Unë përdor linjën "Uzina Dinamo-Sharrë". Është një nga linjat më të këqija që ekziston sot për sot në Tiranë. Hipën në autobus, faturino është i alkoolizuar, vjen kontrolluesi i cili është më i keq se faturinoja, ngrohje nuk ka", rrëfeu një e tretë.
Nisur nga ankesat e qytetarëv, Report Tv kontaktoi edhe me Drejtorinë e Inspektimit të Shërbimeve Publike në Bashkinë e Tiranës. Thoma Qirushi u shpreh se ka ankesa nga qytetarët dhe ato shqyrtohen duke marrë masa ndaj kompanive që ofrojnë shërbimin. Ankesat janë të natyrave të ndryshme, por edhe gjobat e vendosura janë të shumta në një ditë.
"Ne si agjenci e mbrojtjes së konsumatorit kontrollojmë të gjithë operatorët të cilët funksionojnë dhe shërbejnë në transportin publik urban. Në lidhje me vitin që lamë pas, ne kemi vendosur rreth 700 masa administrative për shkeljet që kemi konstatuar.
Një pjesë e konsiderueshme e këtyre masave kanë qenë edhe prej problematikave që kanë ardhur në agjenci përmes qytetarëve të Tiranës, përveç dhjetra kontrollorëve që kemi në terren dhe kontrollojnë transportin publik", u shpreh Thoma Qirushi.
Transporti publik në qytetin e Tiranës mbulohet nga 10 operatorë privatë, të cilët ofrojnë shërbimin e tyre në 15 linja me shtrirje në gjithë qytetin.
Lajme të tjera
-
Veliaj bashkëbisedim me ekselentët e gjimnazit ‘Myslym Keta’: Brezi juaj duhet të jetë flamurtar i kulturës së re për mos të penguar njëri-tjetrin
1 Mars, 15:24 -
Veliaj në Njësinë 8: Hapja e partisë do na sigurojë fitore absolute për mandatin e katërt të Edi Ramës dhe të PS-së
29 Shkurt, 18:57 -
Nga Mariana Kondi, Bojken Lako dhe tre balerinët, personazhet e njohur i bashkohen nismës së bashkisë për mbjelljen e pemëve në Tiranë (FOTO)
27 Shkurt, 10:16 -
Nga bursat për nxënësit tek ndihma ekonomike, Këshilli Bashkiak miraton disa vendime të rëndësishme
26 Shkurt, 16:57 -
Zgjerimi i Unazës së Madhe, Veliaj: Gati për ndërtimin e shkollave në Astir! Asnjë familje s’mbetet pa banesë
23 Shkurt, 21:16 -
Ndërtohet rruga e re që lidh fshatin Shëngjin me qendrën e fshatit Shën Mëri, Veliaj: Infrastruktura po sjell ekonomi edhe në fshatra
18 Shkurt, 11:50 -
Aktivitete për 104-vjetorin e Tiranës kryeqytet, ja plani i lëvizjes së automjeteve në rrugën ‘Myslym Shyri’ këtë fundjavë
8 Shkurt, 09:36 -
Këshilltarët e Berishës dhe Metës nuk votuan ndihmën ekonomike për njerëzit në nevojë, Veliaj: Më thanë se kishin urdhër nga kryetari partisë
1 Shkurt, 15:37 -
Pas Kuvendit, opozita kaos edhe në ‘parlamentët vendorë’! PS miraton e vetme ndihmën ekonomike për familjet në nevojë në bashkinë e Tiranës
31 Janar, 16:44 -
Kolegji i Europës në Tiranë, bashkia bursa vjetore për studentët shqiptarë, Veliaj: Është vetëm fillimi! Mogherini: Investim i shkëlqyer për vendin
30 Janar, 14:32 -
Përmbyllet me sukses viti i Tiranës si ‘Qyteti Europian i Sportit’! Veliaj: Mezi pres të nisim vitin si ‘Kryeqyteti Mesdhetar i Kulturës’
29 Janar, 19:47 -
Presidenca B40-ës, Veliaj pret kryebashkiaken e kryeqytetit boshnjak: Tirana dhe Sarajeva, dy qytete që shohin nga e ardhmja
29 Janar, 17:25
