Përfaqësuesit diplomatikë të SHBA-ve dhe BE-së në Shqipëri dhanë mesazhin e tyre në këtë ditë zgjedhjesh, duke kërkuar që qytetarët të ushtronin të drejtën e tyre për të votuar.
Ambasadorja e Bashkimit Europian, Christiane Hohmann ishte në një qendër votimi në Elbasan për të monitoruar procesin e votimit dhe tha se po shkonte ashtu sic duhej. Sa i takon pretendimeve të Luçiano Boçit për presione ndaj votuesve, Hohmann tha se duhet që të presim deri të nesërmen kur përfaqësuesit e OSBE-së të paraqesin raportin paraprak për procesin e votimit.
“Siç e keni para gjërat deri tani kanë ecur pa probleme, Duket se qytetarët po ushtrojnë të drejtën e tyre. Dëshira ime sot është që sa më shumë qytetarë të cilët kanë të drejtën e votës, të dalin të votojnë dhe që dita të vijojë kështu në mënyrë të paqme. Ajo që qytetarët mund të vendosin sot është se kush do t’i përfaqësojë në këshill bashkiak, kush do të jetë kryebashkiaku i tyre për 4 vitet e ardhshme. Kështu që shfrytëzojeni të drejtën që keni për të zgjedhur. Synimi duhet të jetë të zgjidhet politika më e mirë për Elbasanin. Jam e lumtur që OSBE ka vendosur të kishte edhe këtë herë në Shqipëri një ekip të plotë vëzhguesve për zgjedhjet. Le të presim deri nesër kur do të kemi edhe konferencën vëzhguesve ku do paraqiten raportet paraprake”- u shpreh Hohmann.
Ndërsa ambasadorja e SHBA-ve, Yuri Kim me anë të një postimi në instagram, ku shpërndau foton e “bexhit” të saj si vëzhguese, Kim u ka bërë thirrje autoriteteve për të zbatuar ligjet dhe rregullat në mënyrë të barabartë për të ndaluar shitblerjen e votave.
"Shpresojmë që të gjithë qytetarët e Shqipërisë të ushtrojnë të drejtën e tyre themelore demokratike për të shprehur vullnetin e tyre përmes zgjedhjeve të lira dhe të ndershme. Është thelbësore që të gjithë të respektojnë ligjet për zgjedhjet, si dhe normat ndërkombëtare, duke përfshirë ndalimin e blerjes ose shitjes së votave.
Ne u bëjmë thirrje autoriteteve që të zbatojnë të gjitha ligjet dhe rregullat në mënyrë të drejtë dhe të barabartë. Zyrtarët e ambasadës po i bashkohen institucioneve të tjera ndërkombëtare në vëzhgimin e zgjedhjeve në të gjithë vendin", shkruan Kim.
Më pas, Yuri Kim bëri vizitë në Vlorë ku pa nga afër procesin e votimit ndërsa dha mesazhin se qytetarët s’duhet të mungojnë në kutitë e votimit por të shprehin vullnetin e tyre. Po ashtu kërkoi që autoritetet të zbatojnë ligjin.
Postimi i bërë nga Yuri Kim
Lajmi në përditësim...
Ambasadorja amerikane Yuri Kim ishte për një vizitë në Vlorë, ku ka parë nga afër ecurinë e procesit të votimit. Para mediave dha mesazhin që nuk duhet të ushtrohet presion ndaj votuesve dhe askush s’duhet të bëjë shit-blerje vote.
“Do të vizitoj edhe disa vende të tjera, kemi parë të gjitha situatat. Nuk duhet të ushtrohet presion mbi asnjë votues, është e rëndësishme që ssecili të ushtrojë të drejtë, asnjë s’duhet të shesë apo blejë votën. Është përgjegjësia e autoriteteve që t’i zbatojnë ligjet në mënyrë të barabartë”, tha Yuri Kim.
Shefja e misionit të vëzhgimit të OSBE, Andrey Glover në një deklaratë për mediat tha se raporti i OSBE për zgjedhjet do të prezantohet të hënën. Glover tha se do të shohin të gjithë procesin, ndërsa theksoi se deri më tani ka qenë situatë e lehtë.
"Ne kemi vazhduar procesin edhe para ditës së zgjedhjeve, ka ende pyetje pa përgjigje lidhur me procedurat. Do të shohim fundin e procesit për të bërë vlerësimet përfundimtare. Thjesht duhet të presim akoma. Procedurat e djeshme, siç janë shpërndarja e materialit do jenë pjesë e raportit tinë. Zgjedhjet nuk mund të krahasohen, secila zgjedhje është unike. Padyshim që edhe këtë pjesë të procesit shohim me pajisjet identifikuese do shkojmë te ndjekim edhe votimin elektronik", tha Glover.
Komente
Lajme të tjera
-
‘Furtuna’ në Universitetin e Elbasanit! 6 pedagogë të arrestuar, profesoresha e 'Letërsisë pë fëmijë' ende në kërkim! Akuzohen se kaluan në provime 31 vjeçaren për të marrë rryshfet
2 Nëntor, 09:41 -
Qeveria: Draftstatuti i Asociacionit është veç një non-paper
2 Nëntor, 09:11 -
‘Furtunë’ në Universitetin e Elbasanit, arrestohen 7 pedagogë të Mësuesisë! U merrnin studentëve deri në 500 euro për provim, në pranga edhe sekseri (EMRAT)
1 Nëntor, 22:10
-
Mbahet edicioni i parë i çmimit ‘Sami Frashëri’ në Belsh, Ben Blushi me ‘Komplotin’ shpallet shkrimtari më i mirë
1 Nëntor, 18:40
-
Progres-Raporti i BE/ Ina Zhupa: Situata e lirisë së medias është përkeqësuar, propozimet tona janë rrëzuar nga mazhoranca! Të mos injorohen rekomandimet
1 Nëntor, 13:47 -
Aksident në tunelin Elbasan-Tiranë, makina përplaset me kamionin, përfshihet nga flakët! Plagosen 3 persona
1 Nëntor, 13:30 -
Elbasan/ Pjesë e një bande kriminale të trafikut të drogës, bie në pranga 60-vjeçari! Theu masën e sigurisë dhe nuk iu bind policisë të ndalonte
1 Nëntor, 11:25 -
Tabaku për Progres-Raportin: Parlamenti si kalim me pengesa, ka përkeqësime! PS të marrë parasysh shqetësimet tona, ja pse s’e votuam deklaratën e përbashkët
1 Nëntor, 10:45 -
Kryediplomati hungarez kritikon sanksionet e BE-së gjatë vizitës në Minsk: Neve s'na pëlqen politika e sanksioneve
31 Tetor, 20:57 -
Qefalia: Puna e SPAK vullnet i mazhorancës! Komisioni Xhafa do bëhet nën vëzhgimin e ndërkombëtarëve! Ergys Mërtiri: Negociatat u hapën jo për meritën tonë
31 Tetor, 18:06 -
Ballkani hyn më shpejt në BE?/ Von der Leyen: Përfiton prej tensioneve gjeopolitike
31 Tetor, 17:15 -
Raporti i Progresit për Maqedoni e Veriut, Mickocki: Asnjë përgjegjësi për ngecjen e procesit dhe negociatave!
31 Tetor, 17:06
/TURI/,sovranitetit i nje shteti fillon te individi,votuesi me sakte.Diten qe votuesi vendos te shit-bleje voten,ose voton/nuk voton si pasoje e shantazhit,intimidimit,presionit,kushtezimit qe i behet,ate dite humb sovranitetin e vet si individ,sepse humb integritetin e vet dhe respektin per veten dhe pergjegjesine individuale qe ka me vote,por si teresi ndikon ne ate qe ju e quani sovranitet i vendit.S.d.q.verzhguesit e huaj ne zgjedhje jane te pranishem ne cdo vend qe i lejon, perfshi dhe ne BE,SH.B.A.
PërgjigjuKur nje vend eshte sovran nuk duhet te pranoj keta mbeturinat e botes qe te vendosin se kush duhet te kandidoje dhe kush te fitoje , por ky vend ka marre fund vijne te gjithe ambasadoret e cdo shteti dhe bejne komande se nuk ka zot . Koha e monizmit ishte e vetmja kohe qe keta plera nuk i afro te fare sado te keqija qe kishte por ama ishte shtet me kellqe
PërgjigjuGjithmone perkrah aleateve tane strategjike te ShBA - BE
PërgjigjuAmon vetem yuri mos te dale se eshte totalisht e neveritshme
Përgjigjuhahahahah ca te ka bo ajo ty Qinomo?