TIRANE - Zbardhet mbledhja me dyer të mbyllura të Këshillit të Lartë të Drejtësisë. Gazeta “Shqiptarja.com” publikon mbledhjen me dyer të mbyllura të KLD-së të datës 20 shtator e cila u zhvillua enkas për kërkesën e depozituar nga mazhoranca për shkarkimin e dy anëtarëve të Këshllit, Elvis Çefa dhe Lulzim Lelçaj.
 
Broci: Tentativë e oligarkëve të rinj për të kapur drejtësinë
Mbledhja është shoqëruar edhe një nga diskutim i gjatë lidhur me mënyrën se si qeveria po vepron në sistemin e drejtësisë. Dy prej anëtarëve, Gjin Gjoni dhe Artan Broci kanë akuzuar mazhorancën se po kërkon të uzurpojë sistemin e drejtësisë. Gjin Gjoni në fjalën e tij ka rrëfyer edhe historinë si “student i dhjetorit” ku theksoi se aspirata e tij për sistemin e drejtësisë është shkatërruar pasi mazhornaca po uzurpon Këshillin e Lartë të Drejtësisë.

PDF-Proçesverbali i Mbledhjes së Këshillit të Lartë të Drejtësisë



Madje ai shtoi se vendimi i shumicës parlamentare për kërkesën e shkarkimit të dy anëtarëve të KLD-së është shkatërrimi i demokracisë në Shqipëri. Veç Gjin Gjonit, edhe anëtari tjetër i Këshillit të Lartë të Drejtësisë e cilësoi nismën e mazhorancës për shkarkimin e Çefës dhe Lelçajt si një tentativë oligarkike për të kapur të gjitha institucionet në vend. “Marrja e institucioneve të pavarura, vazhdimësia e marrjes nga oligarkët e rinj të pushtetit, të atyre institucioneve të pavarura të cilat nuk i kontrollojnë dot.

Shumë e rëndë në demokracinë e brishtë shqiptare... jo për shkakun sepse po gjykohet Zoti Çefa apo Zoti Lelçaj, por sepse në bindjen time po synohet marrja e të gjitha institucioneve të pavarura dhe aq më tepër një organ kaq të rëndësishëm në drejtësinë shqiptare”,- theksoi anëtari i KLD-së, Artan Broci.

Gazeta Shqiptarja.com (print) publikon procesverbalin. Ja debatet mes anetareve te KLD