Proda inspekton Kakavijën dhe urdhëron vartësit: Asnjë pengesë artificiale për qytetarët në kufi, lehtësoni lëvizjen dhe bashkëpunoni me homologët

Kryepolici Ilir Proda dhe ministri Ervin Hoxha, gjatë inspektimit në kufi dhe takimit me palën greke

Drejtori i Përgjithshëm i Policisë së Shtetit, Drejtues Madhor Ilir Proda, u ka kërkuar nga Kakavija të gjitha shërbimeve të Policisë Kufitare angazhim maksimal për të eliminuar çdo pengesë artificiale, duke ju krijuar lehtësirat ligjore qytetarëve që përdorin pikat e kalimit kufitar.

Proda u shpreh:

LEXO EDHE:
Greqi/ Shqiptari vret me thikë 34-vjeçarin grek, punonte si roje dhe nuk e la të hyjë në lokalin e natës pasi ishte i dehur

“Me kënaqësi e them që nga strukturat e Policisë Kufitare në të gjithë Shqipërinë, jam shumë i kënaqur, padyshim edhe nga struktura juaj këtu në Kakavijë, ku nuk mund të lë pa përmendur bashkëpunimin e shkëlqyer me FRONTEX. Këto janë momente ku qytetarët tanë kthehen për të festuar vitin e ri në shtëpitë e tyre. Këto janë ditë festash dhe për të gjitha shërbimet e Policisë Kufitare kërkohet më shumë angazhim”.

Ndërsa më tej theksoi detyrat që kanë uniformat blu në shërbim të qytetarëve dhe për të lehtësuar lëvizjen.

“Të gjithë në detyrë; asnjë pengesë artificiale nuk dua të vijë nga strukturat tona. Vlerësim maksimal, çfarë të kemi mundësi tua lehtësojmë lëvizjen. Bashkëpunoni me homologët, që lëvizja të jetë e njëtrajtshme nga të dyja anët e kufirit. Edhe njëherë, ju uroj festat gjithë punonjësve dhe familjeve të tyre, qytetarëve, gjithë bashkatdhetarëve që vijnë për të festuar vitin e ri dhe, pa diskutim, edhe gazetarëve që kontribuojnë në përcjelljen e punës tonë dhe të mesazheve te qytetarët!”, u shpreh kryepolici.

Ndërkohë, gjatë bisedës me Drejtorin e Policisë Kufitare të Janinës, Diamantis Dimitrios, Proda i kërkoi që në pikën e kalimit në palën greke të punohet me të njëjtin numër sportelesh, duke mundësuar lëvizjen e njëtrajtshme dhe eliminimin e radhëve në hyrje apo dalje.

TAG:
• policia e shtetit
• Diamantis Dimitrios
• kufi
• kakavije
• ilir proda

Sondazhi i ditës:

Çfarë prisni në vitin 2025?

• Punë

  10.4%

• Shëndet

  69.5%

• Mirëqënia

  20.2%

Vota total: 1042

Votat totale janë unike

• Sondazhi i ditës:

  Çfarë prisni në vitin 2025?

  Punë Shëndet Mirëqënia