Prodhimi i grurit, Balla apel kompanive shqiptare: Fokusohuni tek blerja e grurit vendas

Prodhimi i grurit, Balla apel kompanive shqiptare: Fokusohuni tek blerja e grurit vendas

Taulant Balla

Kryetari i Grupit Parlamentar të Partisë Socialiste Taulant Balla ka reaguar pas deklaratave të bujqve të cilët ankohen se nuk ka treg për grurin vendas duke theksuar se shumë shpejt do të takohen me kompanitë shqiptare për t’u kërkuar të mbështesin dhe grumbullojnë prodhimin e grurit vendas. 

Balla ka nënvizuar se sfida kryesore është garantimi i grumbullimit dhe shitjes tek fabrikat e miellit në vend të grurit. 

“Këtë vit prodhimi i grurit është mjaft i mbarë në të gjithë vendin, madje më shumë se një vit më parë. Të gjithë e dimë se në vjeshtën e shkuar kur ky grurë u mboll çmimi i naftës për shkak të Luftës së Putinit ishte mjaft i lartë dhe qeveria bëri një përpjekje shumë të rëndësishme ashtu si edhe në vitin e kaluar për të ndihmuar me naftën falas një numër të konsiderueshëm bujqish. 

Sfida prej 15 Qershorit mbetet garantimi i grumbullimit dhe shitjes tek fabrikat e miellit në vend të grurit vendas. Këtë javë do të takohemi me kompanitë shqiptare të cilat merren me importin e drithrave, për t’u kërkuar të mbështesin dhe grumbullojnë prodhimin tonë të grurit. Thirrja ndaj kompanive shqiptare të cilat importojnë grurë është që të fokusohen tek blerja e grurit vendas.”

A.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Mero Baze: Përpjekjet për të justifikuar 'marrëveshjen' që shuajti revolucionin

Mero Baze: Përpjekjet për të justifikuar 'marrëveshjen' që shuajti revolucionin