POP 5

Lajmet më të lexuara të 5 minutave të fundit

Sociale

Produktet 'Made in Albania' zgjojnë interesin te qytetarët! 'Zhduket' prodhimtaria e lodrave dhe shisheve te qelqit

Ekspozita “Made in Albania” risolli në kalanë e Tiranës 600 produkte vendase të periudhës së viteve 1920 deri në 2020. Interesi i qytetarëve për të mësuar më shumë rreth produkteve të prodhuara në kohën e komunizmit është i madh, ndërsa lodrat apo shishet e qelqit nuk prodhohen më në vendin tonë.

Nga Kalaja e Tiranës, ekspozita  “Made in Albania” ngjalli interesin e qytetarëve të cilët përmes produkteve të prodhuara në Shqipëri, njohin aspekte të historisë së viteve 1920-2020. Koleksionistët thonë se interesi i vizitorëve është i ndarë në dy grupe; të rinj që përmes produkteve të kohës informohen mbi periudhën historike dhe qytetarë që kanë e jetuar, që e përjetojnë me nostalgji.

“Në varësi të brezave edhe interesi, ne kemi njerëz që janë kritikë, nostalgjik në varësi të periudhave dhe interesit të tyre për produktet.  Me interes është pjesa e konsumit të medias, është interesante se njerëzit vijnë të shohin prodhimet e televizioneve të asaj kohe të viteve 80-të, antenave,etj”, tha Elton Çaushi Tur Operator.

Organizatorët e ekspozitës, thonë se disa produkte shqiptare janë zhdukur.

“Pas rënies së komunizmit, pjesa më e madhe e produkteve që prodhoheshin “Made in Albania” u ndërpre, si prodhimi i lodrave nuk ekzistonin më pas viteve 90-të. Prodhimi i cigareve gjithashtu pati ndërprerje pas vitit 1996-të”, shtoi Bledar Këneta koleksionist.

“Industria e prodhimit të qelqit në qytetin e Kavajës dhe të Tiranës u ndërpre, e cila tek ne ka qenë shumë e rëndësishme. Ja ku kemi një industri që nuk funksionon më në vendin tonë, është zhdukur 100 % në Shqipëri”, shtoi Elton Çaushi Tur Operator.

Televizorët e kohës, antenat marrëse, apo produktet që identifikojnë qytete të ndryshme sipas traditës, ishin pjesë e ekspozitës e cila do të jetë e hapur për të gjithë qytetarët deri më 15 dhjetor.

B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 15/12/2023 01:23

    LOVE IT,LOVE IT,LOVE IT!! Ekspozite e thjeshte,por kaq nostalgjike.Do te doja qe videoja te ishte me e gjate,te tregonte me shume hollesi nga objektet e ekspozuara!

    Përgjigju
  • redi: 14/12/2023 20:00

    Eshte e vertete qe ne kohen e komunizmit prodhoheshin shume gjera qe ne shumicen e rasteve ishin te pelqyeshme per popullin.Pas 90 u mbyllen dhe u shkaterruan shume ndermarrje dhe uzina qe mbanin me buke Mike’s familie.Nje klan politikanesh mbas 90 ne te Fujairah Katherine por ne teper te PD nepermjet Celt te Barth i Vosges pasurite publike dhe nuk duhet ju vajten.Shkodra sot ka papunesi por indifference dhe qeveria e se soymeal dhe keshilltaret ekonomik mafias pengojne hyphen e uzines se Tesla e qe mbi 80% kite per ekspory ,duke pasi bakrin si metal te prodhuar ne vend. Kjo situate eshte dhe ne nafteku Alboetrol nuk kryesore envestime per pa during qe ka .Prodhimi e fuquzon budgeting dhe jo vetem sherbimet dhe turizmin.Rama dha lajmin se do ngrihet nje refineries nafte shteterore ne vend ,por mesa duket oligarket e naftes lobojne qe ta kene vet monopolin . Ka dhe shume reserve te theta qe mund te reusing mireqenuen e popullit

    Përgjigju
  • Sondazhi i ditës: 8 Janar, 13:30

    Deri në 700 kWh ulet me 1 lekë çmimi i energjisë për familjet, si ju duket?

Lajme të tjera



×

Lajmi i fundit

Tiranë/ U padit për shpifje nga OSHEE, Gjykata e Posaçme shpall të pafajshëm Gazment Bardhin! Deklaroi në tetor se u manipulua përqindja e humbjes së energjisë në rrjet

Tiranë/ U padit për shpifje nga OSHEE, Gjykata e Posaçme shpall të pafajshëm Gazment Bardhin! Deklaroi në tetor se u manipulua përqindja e humbjes së energjisë në rrjet

8 Janar, 14:02 nga Keti Banushi