Profil/ Kush është Artan Didi

TIRANE - Artan Didi mori drejtimin e Policisë së Shtetit në tetor të vitit 2013. Ai e ka nisur karrierën në vitin e vështirë 1997, ka qenë drejtues i repartit të Forcave Speciale RENEA deri në vitin 2000. Më tej Artan Didi ka drejtuar Forcat e Ndërhyrjes së Shpejtë.

Në vitin 2015 Didi doli në lirim, dhe pasi nisi një biznes privat emigroi me familjen në Shtetet e Bashkuara të Amerikës me lotari amerikane.
 
Artan Didi mbeti i plagosur rënë gjatë një operacioni për kapjen e një të kërkuari për terrorizëm në Tiranë, i cili kishte marrë peng një autobus me pasagjerë.
Për këtë rast ka ardhur edhe reagimi i opozitës në momentin kur Didi u emërua Drejtor i policisë së Shtetit. Sipas Partisë Demokratike Didi ishte i akuzuar direkt për vrasjen e kriminelit që kishte rrëmbyer autobusin.

Një tjetër akuzë e cila u bë nga opozita që në fillim të punës së Didit nga opozita ishte edhe ajo se Drejtori i Përgjithshëm i Policisë së Shtetit nuk mund të mbante këtë pozicion pasi ai nuk kishte vitet e nevojshme në detyrë për të përballuar përgjegjësitë e kryepolicit.

Po ashtu, në krye të Policisë së Shtetit Didi u bë pjesë e super-aksionit antikanabis në Lazarat, që shënoi dhe ndërhyrjen e parë të Policisë në këtë fshat që çrrënjosi kultivimin e kanabisit dhe shkatërroi laboratorët e drogës që ishin ngritur në Lazarat.

Redaksia Online
(Gre.M/Shqiptarja.com)

TAG:
• lazarat