Programi ekonomik i prezantuar nga Partia Demokratike ditën e djeshme si dhe ajo e LSI-së disa ditë më parë kanë qenë temë e diskutimit mbrëmjen e sotme në emisionin ‘Pa Protokoll’. Duke prekur disa prej pikave të prezantuara në të dy programet, eksperti i ekonomisë, Alban Zusi shprehet se janë përfshirë shumë aspekte të mira por ka dhe të tjera që mund të përmirësohen.
Për premtimin e taksës së sheshtë 9%, Zusi tha se nuk ka sens që të tatohet paga e qytetarëve por duhet të tatohet kapitali. Sipas tij, nëse nuk tatohet paga, kjo vlerë e cila do të jetë në xhepat e qytetarëve, mund të katërfishohet për shkak të qarkullimit të parave.
“I rëndësishëm është aplikimi i tarifave mbi bazë kostosh. Kemi shifra të larta shërbimesh. Po marr tarifën e infrastrukturës. Për të bërë një stallë, është 30% sa kosto e investimit. Përsa i përket LSI-së, gjëja që kam vlerësuar në programin e tyre është mbështetja e IT. Bizneset e mesme duhen mbështetur për të futur teknologji të reja të menaxhimit të tyre. Në kushtet që jemi sot, është e fundit. Subvencionimi për futjen e të rinjve në punë. Të marrësh një të ri në punë me kostot e tua është një barrë e madhe. Ngritja e inkubatorëve të biznesit është e domosdoshme. Në programin e LSI-së ka një tendencë për të mbështetur prodhimin, nuk vihet re në programin e PD-së. Ato çfarë do të doja të ishte ndryshe do ishte mentaliteti i tatimit. Nuk duhet të taksohet paga por kapitali. Nuk ka sens të tatohet paga. Kali i betejës që ka PD-ja është 9% i sheshtë. Tatimi të bëhet për pagat mbi 5000 euro. Kemi pasur paga të larta. Nëse ka një sens për tatim progresiv duhet për një pjesë (...) Nuk duhet taksuar paga fare. Merrja kapitalit të madh. Atij që punon me fondet publike. Nga të gjitha pagat merr 40 mln euro në vit, po tia lësh këto lek në duar të qytetarëve, biznesi do të qarkullojë dhe mund të katërfishohen” – tha Zusi.
Ndërkohë eksperti i ekonomisë njëkohësisht dhe ish-deputeti i LSI-së, Përparim Spahiu tha se nuk ka një formulë ekzakte në ekonomi. Sipas tij, edhe mostatimi i pagave ashtu si edhe taksa e sheshtë 9% mund të dështojnë. Por Spahiu thotë se taksa progresive është problematika dhe se LSI ka qenë kundër saj.
“Shqipëria duhet të përcaktojë minimumin jetik. A do jemi ne të aftë ta implementojmë, ne do ta shohim. Përcaktimi i këtij minimumi është esencial. Jemi në një linjë me problematikat që ka ky vend. Përsa i përket pagave (...) Kemi tatuar me 23% punën. Ne kemi qenë kundër taksës progresive. Të gjithë e dimë që në ekonomi nuk ka formula ekzakte për të ditur. Edhe taksa 9% mund të dështojë. PS akoma insiston tek formula e taksës. Ajo që bashkon PD-LSI është sjellja me biznesin e vogël. Të ketë një taksë fikse. Biznesi deri në 14 mln lekë të jetë pa një TVSH. Një person që sot paguhet me 200 mijë lekë të reja, tatimi që paguan sot është 39 mijë lekë. Me taksën e sheshtë, ai kursen 24 mijë lekë. Paga minimale të jetë në nivele plotësuese për një familje” – tha Spahiu.
Disa nga pikat kryesore të këtij programit, për të cilin Basha tha se janë dashur 2 vite për ta hartuar, është hapja e 110 mijë vendeve të punës, rritja e pagës minimale nga 30 mijë lekë në 36 mijë lekë, (edhe pse më herët kishte premtuar se do e bënte 400 euro), 3 mijë lekë në muaj për bebet për 5 vitet e para të jetës.
Komente
Lajme të tjera
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
'Të rezistojmë, të ngremë krye', Salianji letër nga burgu, kërkon drejtësi për Martin Canin: Asgjë nuk vjen vetë! Aq më keq po t’ia lësh në dorë kryeministrit
23 Nëntor, 17:59 -
Jorida Tabaku: Socialistët i trajtojnë pensionistët si grup elektoral dhe i gënjejnë për vota! Ata meritojnë dinjitet dhe vlerësim
23 Nëntor, 15:44 -
Zgjedhjet 2025/ Bardhi: Betejë për jetë a vdekje! Në Kuvend, gratë deputete shpesh herë më shumë luftarake se burrat
23 Nëntor, 14:08 -
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35 -
Pse priti deri në fund Berisha, çfarë shpresonte?
22 Nëntor, 13:08
-
Buxheti 2025/ PD propozon 28 Amendamente: Minimumi jetik 200 euro, rritje e pensioneve dhe shtim i fondeve te Onkologjiku (E PLOTË)
21 Nëntor, 15:55 -
Asllan Dogjani sërish në SPAK! Deputeti i PD-së: Po më hetojnë për shtëpinë 100 metra katrorë
21 Nëntor, 13:02 -
‘Alarmi’ për votën e emigrantëve, KQZ garanton: S’ka dështim! Ose ndërrojmë Kodin, ose paguajmë shtrenjtë! Votimi e numërimi elektronik 18.2 mln euro vetëm për Tiranën
21 Nëntor, 12:25 -
Sondazhi i Report Tv/ PS merr 9 mandate dhe PD me 5 deputetë në Qarkun e Elbasanit
20 Nëntor, 21:11 -
Jakin Marena: Berisha ngre flamurin serb në Kuvend, Kurti zhbën shqipen, rastësi?!
20 Nëntor, 18:41
Ky qe e mban veten per ekspert do te bente mire sikur te shkonte te bente cfare do lloj pune ,vetem per nje muaj ne ndonje vend te BE Apo ne SHBA, per ta pare cekun qe do mari ,se sa perqind eshte takxa qei eshte mbajtur nga ceku dhe pastaj te vinte dhe te na bente te zgjuarin ne emision
Përgjigju