POP 5

Lajmet më të lexuara të 5 minutave të fundit

Politikë

Projekti i hekurudhës Kosovë- Shqipëri, Benet Beci pret ministrin kosovar Liburn Aliu

Ministri i Infrastrukturës i Kosovës Liburn Aliu, së bashku me deputeten Mimoza Kusari janë pritur nga Kryetari i bashkisë Shkodër Benet Beci

Ministri i Infrastrukturës i Kosovës Liburn Aliu, së bashku me deputeten Mimoza Kusari janë pritur nga Kryetari i bashkisë Shkodër Benet Beci. Në qendër të këtij takimi ka qenë linja hekurudhore Shqipëri – Kosovë,  ku tashmë siç dihet ky investim madhor do të kalojë nga Shkodra.

Kryetari i bashkisë Shkodër, në fjalën e tij u ndal tek rëndësia e linjës hekurudhore dhe kthimin e Shkodrës në një qendër të rëndësishme rajonale si një portë e rëndësishme për vendin që kthehet nëpërmjet kësaj linje hekurudhore.

Për ministrin e Infrastrukturës, Liburn Aliu duke u ndalur tek marrëdhëniet mes dy vendeve, theksoi se Shkodra jo më kot ka qenë një qendër dikur që po rijetëzohet dhe merr formën e saj sërish.

E pranishme  në këtë takim ka qenë edhe Ministrja e Shtetit Elisa Spiropali e cila gjatë diskutimeve e ka cilësuar këtë nyje të re lidhëses mes dy vendeve që kalon në Shkodër një prioritet të qeverise shqiptare.

Pas takimit në zyrën e kryebashkiakut Beci, të gjithë së bashku inspektuan nga afër stacionin hekurudhor të Mjedës, që do kthehet në një pikë lidhëse e rëndësishme e linjës hekurudhore Shqipëri – Kosovë. Hekurudha Shqipëri – Kosovë përllogaritet të ketë një kosto prej 700 milion euro, ndërkohë që kalimi i kësaj linje nga Shkodra, ka qenë një nga temat e dakordësuara nga dy qeveritë e Shqipërisë dhe Kosovës duke e kthyer Shkodrën në një pol të rëndësishëm rajonal në të gjithë Ballkanin për rëndësinë që do të marrë kjo linjë hekurudhore.

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Si është gjendja e Metës? Faik Basha: Po drejton aksionin opozitar nga burgu! Së shpejti do lirohet, në 2025 kandidat për kryeministër

Si është gjendja e Metës? Faik Basha: Po drejton aksionin opozitar nga burgu! Së shpejti do lirohet, në 2025 kandidat për kryeministër

25 Dhjetor, 18:05