Projekti i Portit të Durrësit/ Ahmetaj: Nuk ka të krahasuar si marrëveshje! Parlamenti duhet ta duartrokasë, hapen 12 mijë vende pune

 

Deputeti i PS, Arben Ahmetaj ka deklaruar gjatë seancës së sotme në Kuvend se porti i Durrësit i kishte zënë frymën qytetit. Ai tha se qëllimi ishte që porti të spostohej në Porto Romano, një zonë e cila sipas tij do të industrializohet.

“Porti, qytetit të Durrësit sot i ka zënë frymën. Kjo është arsyeja përse vendimi i parë para se të mendohej për një zhvillim turistik aty në diamantin e Durrësit ishte porti i ri për t’u bërë porti i Ballkanit Perëndimor. Vendimi i parë i qeverisë ishte spostimi i portit për të pasur njuë port që t’i shërbejë të gjithë territorit ekonomik të Ballkanit Perëndimor. Bëhet fjalë për logjistikë transporti themelore. Zona e Porto Romanos kthehet në një zonë super industriale. Ne përgatitemi çfarë mund të ndodhë në të ardhmen. E tha edhe një deputet më para, të njëjtën gjë keni thënë edhe për Lungomaren. Në Vlorën e Ismail Qemalit nuk ka pasur Lungomare. Tani ende nuk duhet të kishim pasur sipas jush?  Kur shkoni poshtë e lartë e merrni si shembull, porti i kësaj porti i asaj, ja tani ku e keni, po këtë pse nuk e mbështesni?”- u shpreh ish-zv.kryeministri.

Teksa foli për përfitimet që projekti i Portit të Durrësit do i sillte vendit, Ahmetaj tha se Shqipëria do të përfitonte 33% të të ardhurave. Ndërsa e konsideroi si marrëveshje transparente, deputeti shtoi se nuk ishte gjë e pakët punësimi i 12 mijë personave.

“Kontributi fillestar, i ka transferuar Shqipërisë 33%. Nuk ka të krahasuar si marrëveshje, është transparente dhe përfiton vendi. Pse pak janë 12 mijë vende pune. Çfarë iu duken juve 12 mijë shpirtra, nëna dhe baballarë? Apo nuk u hyjnë në sy 12 mijë? Ky parlament duhet ta duartrokasë këtë projekt. Nuk ju pëlqen investitori? Ky që ka bërë ndërtime falas për qytetarët shqiptarë, qenka i mirë të ndërtojë apartamente për të prekurit nga tërmeti por jo për të ndërtuar porte”- tha Ahmetaj.


Lajmi kryesor:

Pas 14 orëve debat, Kuvendi miraton projektin e Portit të Durrësit! 74 vota pro dhe 35 kundër! Mungon në votim Rama! Socialistët duartrokasin, opozita akuza të ashpra


B.V/r.k./Shqiptarja.com
  • Sondazhi i ditës:

    Mendoni se Samiti i BE në Tiranë do përshpejtojë integrimin?



×

Lajmi i fundit

Tre mësime nga artet marciale mbi zhvillimin e negociatave, flet praktikanti: Silluni si ujë, jo më 'shpatë në dorë'

Tre mësime nga artet marciale mbi zhvillimin e negociatave, flet praktikanti: Silluni si ujë, jo më 'shpatë në dorë'