TIRANE-Shqipëria ka aktualisht 9 pakica kombëtare, por numri mund të rritet me lëvizjen e fundit të Ministrisë së Brendshme. Ministri Sandër Lleshaj ka propozuar një projektvendim që pritet që të hapë shumë debat në opinionin publik. Projektvendimi parashikon që mjafton një grup prej 300 personash që mund të aplikojnë për t'u njohur si pakicë kombëtare në Shqipëri. Report Tv ka siguruar projektvendimin dhe relacionin shoqërues.
"Njohja formale e një pakice kombëtare, e ndryshme nga ajo e përcaktuar në këtë ligj, bëhet nëpërmjet paraqitjes së kërkesës pranë Ministrit të Brendshëm nga grupi i shtetasve i përbërë nga jo më pak se 300 persona, që pretendojnë se i përkasin një pakice kombëtare dhe shqyrtohet nga Komisioni ad hoc që ngrihet për këtë qëllim" thuhet në relacionin shpjegues.
Por si do të funksionojë procedura?
Komisioni për përcaktimin e përbërjes, funksioneve dhe procedurës së komisionit për shqyrtimin e kërkesës për njohjen e një pakice kombëtare kryesohet nga zv/ ministri i Brendshëm dhe përbëhet nga 13 anëtarë. Hapi i parë është dorëzimi i kërkesës për njohjen e pakicave pranë komisionit për shqyrtimin e kërkesës për njohjen formale të pakicës kombëtare, nga një grup shtetasish prej jo më pak se 300 persona me zotësi të plotë për të vepruar, që pretendojnë se i përkasin pakicës kombëtare.
Më pas, në rast se pas shqyrtimit të kërkesës dhe dokumentacionit të paraqitur, identifikohet përkatësia e një pakice kombëtare dhe plotësimi i kritereve ligjore, Komisioni vendos pranimin e kërkesës për njohjen e pakicës kombëtare dhe i paraqet ministrit përgjegjës për rendin dhe sigurinë publike propozimin me relacionin e argumentuar për vijimin e procedurave për njohjen formale të pakicës kombëtare. Në vijim, ministria përgjegjëse për rendin dhe sigurinë publike, harton projektaktin ligjor për njohjen formale të pakicës kombëtare dhe propozon projektvendimin përkatës pranë Këshillit të Ministrave, brenda 30 ditëve nga paraqitja e propozimit nga Komisioni.
Por si janë shprehur institucionet për këtë nismë?
Ministria e Brendshme në relacion shpjegon se janë shprehur dakord Ministria e Kulturës, Ministria e Shëndetësisë e Mbrojtjes Sociale dhe Drejtoria e Përgjithshme e Arkivave, por dy prej tyre e kanë kundërshtuar. Instituti i Historisë, pranë Akademisë së Studimeve Albanologjike e ka kundërshtuar me argumentin se “... e konsiderojmë të panevojshme, madje ndoshta edhe të dëmshme për interesat kombëtare, ngritjen e një komisioni të tillë për të diskutuar rreth ekzistencës së pakicave të tjera kombëtare në Shqipëri”.
Avokati i Popullit ka kundërshtuar numrin e atyre që janë sanksionuar për të bërë kërkesën që është vendosur 300. Por kundërshtimi nuk është marrë në konsideratë. "Në lidhje me sugjerimin e dytë evidentojmë se parashikimi i një grupi shtetasish prej 300 personash është bazuar duke pasur si referenca numrin e krijimit të organizatave kulturore, sociale, politike, por ky fakt është vendosur gjithashtu në mbledhjen e Grupit Ndërinstitucional të Punës ku anëtarë ka qenë edhe Avokati i Popullit dhe janë dakordësuar për sanksionimin e numrit prej 300 personash" thuhet në relacion.
Paralelisht shteti shqiptar po hedh edhe një tjetër hap në favor të minoritetit, teksa planifikon që të njohë zyrtarisht gjuhën e pakicave në zyrat e pushtetit vendor, aty ky komunitet përbën 20% të popullsisë. Ky propozim ka ardhur po nga ministri i Brendshëm, Sandër Lleshaj dhe pritet te diskutohet ne kuvend.
Projekt-vendimi
( Kliko këtu ) Relacioni i plotë
Komente
Lajme të tjera
-
SPAK merr të pandehur deputetin e PS, Plarent Ndreca! Shkeli barazinë në tenderë si sekretar në Ministrinë e Brendshme! Nga 4 komisariate, u rikonstruktuan 2
25 Tetor, 11:54
-
Ministria e Brendshme njofton shqiptarët që jetojnë jashtë për aplikimin për Letërnjoftim Elektronik ose Pasaportën Biometrike
25 Tetor, 11:48 -
VIDEOLAJM/ Dje u arrestua Ilir Meta, përfaqësuesja e SHBA-së takon ministrin e Brendshëm Ervin Hoxha
22 Tetor, 11:23 -
Pretendimi i PD se FNSH u nxori armën, ministri: S’ishin të armatosur, po zbatonin detyrën! Bardhi: Të hetohet kush dha urdhrin që policia të futej në Kuvend
18 Tetor, 11:01 -
Ministri Hoxha shkarkon drejtorin e Gjendjes Civile, Vangjush Stavro
16 Tetor, 13:38
-
Protesta e dhunshme e PD/ Braçe: S’ka ndodhur kurrë të rekrutohen e armatosen fëmijë për akte terrori! Pse hesht Avokati i Popullit, nga kush trembet?
9 Tetor, 17:27 -
Protesta e PD, ministri Hoxha: Shfaqje e shëmtuar, si kurrë më parë sulmuan edhe selinë e kundërshtarëve! Dhunuesit do përballen me drejtësinë
8 Tetor, 07:17 -
Protesta e opozitës, mbështetësit e PD bllokojnë rrugën dhe qarkullimin e mjeteve! E pësojnë dhe qytetarët, ndërhyn Policia
7 Tetor, 19:49 -
Ministri Hoxha prezanton Kryeadministratoren e re të AAPSK: Goditje në pikën më nevralgjike të krimit, pronat dhe paranë!
4 Tetor, 12:32 -
Ilir Proda merr detyrën e betohet, Ministri Hoxha: Dua sa më shpejt formatimin e policisë së shtetit! Hapet gara për drejtorët në qarqe
3 Tetor, 13:53
-
Gara për drejtorin e Policisë së Shtetit, Komisioni interviston 11 kandidatët! Ministri i çon Ramës emrin e njërit të premten! Ja 3 favoritët
25 Shtator, 11:36
-
Hapet gara për Drejtorin e ri të Policisë së Shtetit, kandidatët kanë 7 ditë kohë për të aplikuar
10 Shtator, 16:20
E vleresoj shume qendrimin e Institutit te historis
Përgjigjudmth po te mblidhen 300 siriane shpallen minoritet, hajde shtet i lleshit hajde
Përgjigju