Këngëtari Agim Poshka rikthehet në media me një koncept revoltë ndaj muzikes dhe patriotizmit. Projekti i ri i artistit nga Struga, sapo ka filluar fushatën në internet me moton “Aleanca Anti Tallava”.

Ky projekt ambicioz ngre zerin reth deformimit muzikor që i bëhet identitetit muzikor shqiptar. edhe pse shpesh herë jemi mësuar ta shohim artistin Poshka si organizator i protestave kundër televizionin publik të Maqedonisë dhe politikave të tyre diskriminuese që bën rreth pjesmarrësve të shqiptarëve në garën e Eurovisionit në Maqedoni, kësaj radhe ai vjen me një rebelim tjetër.

Ai i shpall luftë vetëdijes së ulët rreth muzikës tallava e cila ka dëmtuar bindshëm identitetin muzikor shqiptar. Në projektin e tij të ri të quajtur “Anti Tallava” ai shpreh hapur revoltën e tij kundër këtij deformimi që po i bëhet muzikës shqiptare.

Ky projekti pritet të bëhet publik në ditët në vazhdim në “yotube”, i cili përmes një koncepti shumë origjinal në të cilin Poshka nëpërmjet muzikes moderne Europiane të gërshetuar me muzikë folklorike shqipe shpreh revoltën kundër disa tallavistave.