POP 5

Lajmet më të lexuara të 5 minutave të fundit

Ekonomi

Projektligji/ Biznesi i vogël me TVSH dhe OJF-të, detyrim për të hapur llogari bankare

Duhet t’i hapin brenda tre muajve, në të kundërt parashikohen gjoba nga 100 deri në 200 mijë lekë.

Projektligji/ Biznesi i vogël me TVSH dhe OJF-të, detyrim për të hapur llogari bankare

Foto ilustruese

Qeveria vendos detyrim ligjor për subjektet e biznesit të vogël, të cilët kanë kaluar tashmë në skemën e Tatimit mbi Vlerën e Shtuar (TVSH), por edhe për Organizatat Jo-Fitimprurëse, që të hapin llogari bankare në emrat e tyre. Përndryshe do të marrin gjoba.
Ministria e Financave dhe Ekonomisë ka përgatitur një projektligj, që nuk ka kaluar ende në shqyrtimin e Këshillit të Ministrave, pikërisht për të vendosur një rregull të ri edhe në këtë fushë. Ai parashikon të bëjë shtesën përkatëse në ligjin nr. 9920, datë 19.5.2008, “Për procedurat tatimore në Republikën e Shqipërisë”, të ndryshuar. 

Ndryshimi
Sipas ministrisë, në këtë ligj duhet përfshirë edhe kjo klauzolë: Tatimpaguesit me status “person fizik tregtar” të regjistruar për Tatimin mbi Vlerën e Shtuar, tatimpaguesit me status “person juridik”, pavarësisht nga qarkullimi që realizojnë, si dhe organizatat jofitimprurëse të regjistruara në organin tatimor, janë të detyruar të kenë llogari bankare të biznesit/organizatës të regjistruar. 
Ndërkohë parashikohet që mos të jenë subjekte të këtij detyrimi, tatimpaguesit, persona fizikë tregtar të cilët realizojnë qarkullim vjetor, rrjedhimisht edhe qarkullim të parasë fizike, në vlera të ulta. Për këtë arsye, është marrë për referencë, kufiri i regjistrimit për përgjegjësinë tatimore: Tatimi mbi Vlerën e Shtuar.

Sanksionet
Në mungesë të zbatimit të kësaj kërkese ligjore, parashikohen sanksione të caktuara. Subjektet që do ta kenë këtë detyrim, në rastin kur nuk disponojnë llogari bankare për transaksionet që kryejnë, dënohen si më poshtë.
Tatimpaguesit me status “person fizik tregtar”, të regjistruar për tatimin mbi vlerën e shtuar,me qarkullim deri në 8 milionë lekë, gjobënë masën 50 mijë lekë; tatimpaguesit me status “person juridik” pavarësisht nga qarkullimi, si dhe tatimpaguesit mestatus “person fizik tregtar” me qarkullim mbi 8 milionë lekë, gjobë në masën 100 mijë lekë.

Ndërsa organizatat jofitimprurëse, gjobë në masën 75 mijë lekë. Sipas ndryshimeve të planifikuara, në rast se subjekti nuk ka llogari bankare për transaksionet që kryen edhe pas denimit si më sipër, ai do të dënohet me dyfishin e gjobës së parë. Subjektet e regjistruara rishtaz, duhet të hapin llogarinë bankare jo më vonë se 20 ditë kalendarike pas regjistrimit ne QKB/administratën tatimore. Kurse subjektet që janë të regjistruara në QKB/administratën tatimore, duhet te hapin llogarinë bankare jo më vonë se 90 ditë nga hyrja në fuqi e këtij ligji.

Arsyetimi
Në argumentimin e ministrisë, thuhet se ky projektligj ka si qëllim adresimin e një prej rekomandimeve të Komitetit të Ekspertëve për vlerësimin e masave kundër pastrimit të parave dhe financimit të terrorizmit (Moneyval), të Këshillit të Evropës, lidhur me përdorimin e parasë fizike dhe reduktimin e ekonomisë informale. Në kuadër të procesit të vlerësimit nga Komiteti Moneyval i Këshillit të Evropës, me publikimin e Raportit të vlerësimit, Shqipërisë i është lënë një vit kohë për përmbushjen e Rekomandimeve dhe adresimin e problematikave të evidentuara në Raport.

Raporti synon vlerësimin e përputhshmërisë të kuadrit ligjor e rregullativ në vend, për çështjet e pastrimit të parave dhe financimit të terrorizmit, me 40 Rekomandimet e FATF, të cilat njihen si standart detyrues e unifikues në rang botëror për këto çështje. Në datën 4 shtator 2018, Komiteti për Bashkërendimin e Luftës Kundër Pastrimit të Parave (KBLKPP), nën drejtimin e Kryeministrit të Republikës së Shqipërisë, ka miratuar planin e veprimit, duke caktuar për çdo masë afate dhe institucione përgjegjëse. 

Një ndër masat e parashikuara në kuadër të këtij plani, lidhet me reduktimin e ekonomisë informale dhe përdorimit të parasë fizike nga personat fizikë/juridikë tregtarë. Për këtë qëllim, duke adresuar njëkohësisht rekomandimet e Komitetit Moneyval, propozohet të sanksionohet në ligjin për procedurat tatimore, detyrimi i të gjithë tatimpaguesëve persona fizikë/juridikë, përfshirë edhe organizatat jofitimprurëse për të pasur llogari bankare biznesi. 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu