POP 5

Lajmet më të lexuara të 5 minutave të fundit

Politikë

Projekt-rezoluta e PE për Shqipërinë, Meta: Qeveria ka bllokuar punën e komisionit për Zgjedhoren, do reformë të njëanshme

Kryetari i Partisë së Lirisë, Ilir Meta reagoi për rezolutën e miratuar ditën e djeshme në Komitetin e Stabilizim Asociimit në kuadër të integrimit të Shqipërisë në BE, duke vënë theksin tek rekomandimet për përfshirjen e opozitës në komisionin e Reformës Zgjedhore. 

Projekt-rezoluta e PE për Shqipërinë, Meta: Qeveria ka bllokuar punën e komisionit për Zgjedhoren, do reformë të njëanshme

Ilir Meta

Kryetari i Partisë së Lirisë, Ilir Meta reagoi për projekt-rezolutën e miratuar ditën e djeshme në Komitetin e Stabilizim Asociimit në kuadër të integrimit të Shqipërisë në BE.

Mes çështjeve të tjera, gjatë konferencës për mediat Meta u përqendrua konkretisht në rekomandimet e rezolutës sa i takon komisionit të Reformës Zgjedhore që pritet të mblidhet sërish më 26 janar  për të miratuar planin e punës.

Pavarësisht se ishin deputetët e grupit Bardhi-Berisha ata që bllokuan mbledhjen e kaluar të komisionit në 19 janar, Meta akuzoi qeverinë si shkaktare për bllokimin e veprimtarisë së komisionit dhe miratimin e njëanshëm të Reformës Zgjedhore.

“Është tepër serioze dhe kritike që pavarësisht krijimit të Komisionit Parlamentar Ad Hoc për reformën zgjedhore në shkurt 2022, nuk është bërë asnjë përparim në miratimin e ndonjë teksti dhe në adresimin e rekomandimeve të pazgjidhura të OSBE/ODIHR dhe Komisionit të Venecias, i bashkohem thirrjes për përfshirjen e fortë të Parlamentit për të nxitur angazhimin real të opozitës në këtë proces, për të garantuar përfaqësimin e plotë dhe gjithëpërfshirjen në reformën zgjedhore. Realisht mazhoranca ka bllokuar qëllimisht veprimtarinë e këtij komisioni për realizimin e synimeve të saj politike dhe miratimit të njëanshëm të reformës zgjedhore në favor të saj”- u shpreh Meta.

Ndër të tjera, Meta nënvizoi edhe domosdoshmërinë e shmangies së ndërhyrjeve politike në sistemin e drejtësisë si dhe miratimin e ndryshimeve të nevojshme për ligjet e Reformës në Drejtësi.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Përmbytjet ‘apokaliptike në Spanjë, shkon në 213 numri i viktimave

Përmbytjet ‘apokaliptike në Spanjë, shkon në 213 numri i viktimave

2 Nëntor, 22:53