Pronarit dhe banakierit të lokalit në Tiranë i vihen prangat! Policia gjen kanabis

TIRANË - Dy persona, pronari i një lokali dhe banakieri, u arrestuan nga policia e Tiranës për shpërndarje të lëndës narkotike, në një operacion të koduar  “Shadoë”.

Efektivët e komisariatit numër 2, sekuestruan 736.4 gr. kanabis, grirëse metalike dhe dy aparate celularë brenda lokalit  në rrugën “Skënder Luarasi"

Në pranga ranë B. B., 42 vjeç, banues në Tiranë (pronari i lokalit) dhe A. B., 41 vjeç, banues në Tiranë, i dënuar më parë për dhunë në familje (kamerieri i lokalit).

Shërbimet e Policisë gjetën në ambientet e brendshme të lokalit kanabis të futur në qese plastike dhe në dy kavanoza qelqi.

Ata do të hetohen nga Prokuroria e Tiranës për veprën penale “Prodhimi dhe shitja e lëndëve narkotike” e kryer në bashkëpunim.

G.M./Shqiptarja.com
  • Sondazhi i ditës:

    Rritet gjoba për celularin dhe drejtimin e makinës në gjendje të dehur! A jeni dakord me ashpërsimin e Kodit Rrugor?

Komento