Pronat, shoqatat kundër qeverisë
“Ligji i ri injoron procesin”

TIRANË - Shoqata “BREGDETI” ka reaguar lidhur me ligjet që Qeveria ka miratuar dhe Kuvendi po diskuton “Për shqyrtimin e vlefshmërisë ligjore te krijimit te titujve te pronësisë mbi Token Bujqësore” . Sipas kësaj shoqate, qeveria ka shkelur Konventën Europiane të të Drejtave duke miratuar një ligj apo grup ligjesh pa u konsultuar me grupet e interesit.
“ Projekt-ligjet e propozuara nga Qeveria injorojnë tërësisht kthimin e pronës pronareve legjitime dhe bien ndesh (ne përmbajtjen e tyre ne tërësi) me kriteret e krijimit te titujve te pronësisë te përcaktuar ne Kushtetutën e RSH, me te drejtën për te poseduar dhe gëzuar pronën si pjese themelore e te drejtave te Njeriut, e cila garanton funksionimin e demokracisë”, thuhet në deklaratën e shoqatës “Bregdeti”.
Sipas drejtuesve të kësaj shoqate, miratimi i dy ligjeve sa me sipër është i mbarsur me një GENOCID (spastrim metodik te popullsisë autoktone te Bregdetit te Jugut te Shqipërisë) tëkamufluar me ligjërimin nga shteti (“ne emër te demokracisë”), të akteve të paligjshme.
“Mbështetja apo aprovimi i heshtur që përfaqësues të Bashkimit Europian, OSBE dhe organizatave ndërkombëtare të angazhuara në Shqipëri i japin kësaj iniciative te Qeverisë, mbështet drejtpërdrejt cënimin e Te Drejtave Themelore te Njeriut te komunitetit tonë, duke favorizuar afërat korruptive të njerëzve të veshur me pushtet, të cilët po insistojnë te bëjnë te pranueshëm edhe përpara faktorit ndërkombëtar ligjërimin sistematik te akteve te paligjshme te një pjese te popullsisë ne dem te te drejtave dhe lirive te një pjese tjetër te saj, duke shkaktuar një Genocid de facto”, përfundon deklarata e shoqatës.

(aq/shqiptarja.com)

TAG:
• OSBE