POP 5

Lajmet më të lexuara të 5 minutave të fundit

Politikë

Propozimet për datën e zgjedhjeve, Meta mes 18 prillit të PD-së dhe 9 majit të PS-së

Më 4 shtator, partitë më të mëdha në vend do t’i dorëzojnë presidentit Meta propozimet për datën e zgjedhjeve. Burime për Report Tv konfirmojnë se opozita e bashkuar do të shkojë me një sugjerim të përbashkët, për 18 prillin, kurse nëpërmjet Taulant Ballës, partia Socialiste pritet të sugjerojë 9 majin për të shkuar drejt kutive të votimit.

Presidenti Ilir Meta do të nisë këtë të premte konsultimet me të gjithë krerët e partive apo përfaqësuesit e tyre, për të vendosur datën e re të zgjedhjeve. Më 4 korrik kreu i shtetit do të presë në Presidencë sugjerimet e tyre lidhur me datën që shohin të arsyeshme për të marrë votën e qytetarëve.

I vetmi që ka treguar gatishmërinë për të dorëzuar vetë në Presidencë propozimin për datën e zgjedhjeve parlamentare është kryedemokrati Lulzim Basha, i cili ashtu siç burime për Report Tv konfirmojnë, do t’i sugjerojë kreut të shtetit për t’i drejtuar shqiptarët drejt kutive të votimit të dielën e parë të periudhës zgjedhore, pra më 18 prill.

Të njëjtën datë, konfirmojnë burime për Report Tv, do të sugjerojë edhe Lëvizja Socialiste për Integrim, e cila do të dërgojë sugjerimin e saj në tryezën e kreut të shtetit nëpërmjet Petrit Vasilit ose Luan Ramës.

Të premten në orën 11:00 Presidenti do të presë Sekretarin e Përgjithshëm të socialistëve, Taulant Ballën, i cili edhe më herët ka artikuluar si propozim për datën e zgjedhjeve 9 majin.

Pasditen e së premtes, në orën 17:30 do të paraqesë propozimin e saj për datën kur qytetarët do të shprehin vullnetin e tyre me votë për përfaqësuesit në parlament, edhe Deputetja Rudina Hajdari, e cila para se të marrë një vendim është konsultuar në rrjetet sociale edhe me qytetarët.

Ndonëse partitë kanë nisur përgatitjet për garën elektorale, zgjedhjet e 2021 pritet të jenë ndryshe për qytetarët shqiptarë. Ata do t’i përcaktojnë ligjvënësit sipas preferencave në emra dhe jo vetëm siglës së partisë që i përkasin. Por lista tërësisht apo pjesërisht të hapura, por edhe formula e koalicioneve pritet të vendoset nga Këshilli Politik, i cili do të nisë sërish punën në shtator pas pushimeve të gushtit.

Letra e Presidentit Meta drejtuar PD-së

Letra e Presidentit Meta drejtuar PS-së

Letra e Presidentit Meta drejtuar LSI-së

/I.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Era: 03/09/2020 18:49

    Problem shum i veshtire per tu zgjidhur!

    Përgjigju
  • Hinglateri: 03/09/2020 16:29

    9 Maj dita e fitores mbi fashizmin Berishian....te zhduket kjo fare

    Përgjigju
  • I dashuruari: 03/09/2020 14:54

    Ne kete foton ne krye .....luli esht yll der p....esht

    Përgjigju
    • Qejfli: 03/09/2020 16:24

      Me jep numrin e Lulushes

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Dita e parë në detyrë e kreut të Pentagonit, paralajmëron ndryshime të thella

Dita e parë në detyrë e kreut të Pentagonit, paralajmëron ndryshime të thella

27 Janar, 18:02