POP 5

Lajmet më të lexuara të 5 minutave të fundit

Ekonomi

Katërfishim i gjobave për bizneset që deklarojnë të dhëna të pasakta ose që nuk regjistrohen brenda afateve! Qeveria miraton ndryshime në projektligj

Këshilli i Ministrave ka propozuar ditën e sotme ndryshime në ligj për të gjitha ato biznese që nuk deklarojnë të dhënat e sakta në Qendrën Kombëtare të Binzesit. Këshilli i ministrave propozon që gjoba nga 15 mijë lekë që është aktualisht, të rritet në 60 mijë lekë.

Katërfishim i gjobave për bizneset që deklarojnë të dhëna të pasakta ose që nuk regjistrohen brenda afateve! Qeveria miraton ndryshime në projektligj

TIRANË- Qeveria propozon katërfishim të gjobës për të gjitha bizneset që deklarojnë të dhëna të rreme ose që nuk regjistrohen brenda afateve të caktuara në ligj. Këshilli i ministrave propozon që gjoba nga 15 mijë lekë që është aktualisht, të rritet në 60 mijë lekë.

Dy nenet që do të ndryshojnë ligjin për bizneset janë përgatitur nga qeveria dhe do të çohen në Komisionet Parlamentare dhe më pas do të jetë Kuvendi ai që do të votojë për ndryshimet përfundimtare.  

Projektligj për një ndryshim në ligjin nr.9723, datë 3.5.2007, “për regjistrimin e biznesit”, të ndryshuar

Në mbështetje të neneve 78 dhe 83, pika 1, të Kushtetutës, me propozimin e Këshillit të Ministrave, Kuvendi i Republikës së Shqipërisë

V E N D O S I:

Në ligjin nr.9723, datë 3.5.2007, “Për regjistrimin e biznesit”, të ndryshuar, bëhet ky ndryshim:

Neni 1

Pikat 2 dhe 3, të nenit 74, ndryshohen, si më poshtë vijon:

“2. Deklarimi në regjistër i të dhënave të pavërteta, kur nuk përbën vepër penale,

përbën kundërvajtje administrative dhe dënohet me gjobë 60 000 lekë.

3. Moskryerja e detyrimit për regjistrimin fillestar dhe regjistrimet e tjera të detyrueshme, brenda afateve të parashikuara nga ky ligj, përbën kundërvajtje administrative dhe dënohet me gjobë 60 000 lekë.”.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

MPJD i kundërpërgjigjet Beogradit, ia refuzon kërkesën për vizitë një ministri serb

MPJD i kundërpërgjigjet Beogradit, ia refuzon kërkesën për vizitë një ministri serb

25 Dhjetor, 20:12