Propozimi i Rusisë: Mariupol të 'ngre flamurin e bardhë'! Për 2 orë ulni armët dhe largohuni nga qyteti

Rusët kanë propozuar një "armëpushim" në Mariupol, të cilin disa po e interpretojnë si "kërkesë për dorëzim". Sipas agjencisë Interfax, ministria ruse e mbrojtjes u ka kërkuar formacioneve ushtarake ukrainase në qytetin port që "të shfaqin flamuj të bardhë nesër për të treguar se janë gati për një armëpushim të përkohshëm" që do të fillonte 07:30. Nga ai moment, ata që ndodhen në  Mariupol do të kenë dy orë kohë për të ulur armët dhe për të braktisur qytetin. Rusia i ka lënë afat Kievit që të përgjigjet deri në 03:00 të 21 marsit.

“I kërkojmë autoriteteve të Kievit të vijnë në vete dhe të anulojnë udhëzimet e mëparshme që i detyronin luftëtarët të sakrifikoheshin dhe të bëheshin 'dëshmorët e Mariupolit'. Përveç kësaj, ne insistojmë në përgjigjen zyrtare me shkrim të palës ukrainase deri në orën 03:00 ", tha Mikhail Mizintsev, kreu i Qendra Kombëtare e Menaxhimit të Mbrojtjes së Rusisë.

LEXO EDHE:
SHBA jep 1.7 miliardë dollarë ndihmë ushtarake për Ukrainën

Lajmi kryesor:

Dita e 25-të e luftës në Ukrainë/ Propozimi i Rusisë: Mariupol të 'ngre flamurin e bardhë' dhe të dorëzohet! Për 2 orë ulni armët dhe largohuni nga qyteti! Ultimatumi skadon në mesnatë

B.K./Shqiptarja.com

TAG:
• ukraine
• Rusi
• rusia sulmon ukrainen