BELSH-Një person është arrestuar, pasi shfrytëzonte disa vajza për prostitucion në një lokal dhe shpërndante lëndë narkotike. Nga operacioni është arrestuar pronari i lokalit në fshatin Trojas, Edmond Çipllaka 43 vjeç, banues në Fier, si dhe u proceduan penalisht në gjendje të lirë 5 vajza për prostitucion, ndërsa janë sekuestruar 14.7 gr kokainë, një automjet, 6 celularë dhe një peshore elektronike.
Sipas policisë, përpos veprave të tjera, pronari i lokalit akuzohet edhe për fshehje të të ardhurave, pasi nuk ishte i pajisur me kasë fiskale gjatë ushtrimit të aktivitetit në lokal. Policia ka dokumentuar të gjithë ngjarjen bazuar te dëshmitë e vajzave. Ndërkohë që vazhdon puna për identifikimin e personave të tjerë të implikuar në këtë aktivitet kriminal.
Grupi u godit pas informacioneve nga qytetarët se në ambientet e lokalit shitej kokainë si dhe shfrytëzoheshin vajza të moshave të ndryshme për prostitucion. Materialet hetimore i kaluan Prokurorisë pranë Gjykatës së Shkallës Parë Elbasan, për veprat penale "Prodhimi dhe shitja e narkotikëve", "Shfrytëzimi i prostitucionit" , "Mbajtja e lokaleve për prostitucion", dhe "Fshehja e të ardhurave", në ngarkim të pronarit të lokalit Edmond Çipllaka.
Edmond Çipllaka rezulton emër i njohur për drejtësinë, pasi në 2014 kur ishte pjesë e kompanisë private “International Parking 2011” u mor i pandehur. Bashkia e Fierit dhe shoqëria private e kontraktuar prej saj për parkingjet në qytetit përfunduan në gjyq për “shpërdorim detyre”, pas abuzimeve të zbuluara nga Prokuroria e Fierit me vendosjen e gjobave fiktive. Florim Kajolli, ishte administrator i shoqërisë “International Parking 2011″, ndërsa mes punonjësve që u moren te pandehur ishte edhe Edmond Çipllaka.
Edhe Belshiotet me kokaine ?
Përgjigjuhahahahha ska ngel njeri pa kristal ;)