POP 5

Lajmet më të lexuara të 5 minutave të fundit

Kronikë

Protesta dje para Bashkisë së Tiranës, policia ndalon 'kamikazin' 38-vjeçar, nën hetim 3 persona të tjerë

Lidhur me protestën e Rithemelimit dje para bashkisë, policia ka ndaluar një 38-vjeçar nga Kurbini, i cili u pa edhe nga kamerat teksa ishte maskuar si 'kamikazë' dhe hidhte molotovë drejt godinës së bashkisë. Gjithashtu ka nisur hetimin për 3 persona të tjerë.

Tiranë - Lidhur me protestën e djeshme para bashkisë së Tiranës, thirrur nga Rithemelimi dhe Aleanca për Mbrojtjen e Teatrit, DVP e Tiranës ka ndaluar një 38-vjeçar, E.V., banues në Kurbin.

Ndalimi i tij është bërë për disa vepra penale, që lidhen me aktet e dhunshme në protestën e 8 të para bashkisë së Tiranës, ku nuk munguan molotovët.

'- E. V., 38 vjeç, banues në Kurbin, për veprat penale "Prishja e qetësisë publike", "Shkelja e rregullave mbi lëndët plasëse dhe djegëse", "Shkatërrimi i pronës me zjarr", dhe "Goditjet për shkak të detyrës". Ky shtetas është ndaluar dhe më datë 16 maj, në lidhje me protestën e datës 14 maj 2024.', thuhet ndër të tjera në njoftimin e policisë.

38-vjeçari nga Kurbini u pa dje në protestën e Rithemelimit teksa ishte maskuar si 'kamikazë' që të mos njihej, duke hedhur molotvë drejt godinës së bashkisë.

Ndërkohë ka nisur hetimi në gjendje të lirë për 3 persona të tjerë: K. B., 21 vjeç, S. J., 41 vjeçe, të dy banues në Tiranë, dhe S. B., 49 vjeç, banues në Krujë.

G.K/E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Protesta e Berishës, Faik Basha i PL-së e pranon: Nuk kishim shumë njerëz edhe prej motit! Haklaj: Mosbindja civile, teatër! PD bllokoi rrugët, vepër penale

Protesta e Berishës, Faik Basha i PL-së e pranon: Nuk kishim shumë njerëz edhe prej motit! Haklaj: Mosbindja civile, teatër! PD bllokoi rrugët, vepër penale

25 Dhjetor, 17:47