Protesta e 7 korrikut/ Kalaja: Synohet rrëzimi i qeverisë! Çaça: S’dihen detaje, s’ka seriozitet! Beqiri: Vetëm pse e organizon Berisha s’vij

TIRANË- Gazetari Aulon Kalaja, mbështetës i Sali Berishës është shprehur se në protestën e 7 korrikut, synohet rrëzimi i qeverisë, teksa tha se qytetarët kanë shumë arsye për të dalë në shesh.

“Synohet rrëzimi i qeverisë. Është një protestë e munguar, duhet të ishte zgjedhur nga Basha vitin e kaluar, çështja kryesore është shpopullimi, kjo qeveri po i bën qytetarëve një nxirje jete, po takojmë çdo ditë njerëz që duan të ikin, është momenti për ta parandaluar këtë”, tha Kalaja.

Ndonëse tregoi se do të merrte pjesë, anëtari i Këshillit Kombëtar të PD-së, Përparim Çaça në emisionin ‘Repolitix’ në Report Tv me gazetarin Denis Minga, tha se detajet se si do të shkojë protesta janë të panjohura, ç’ka ia humb seriozitetin. Ai përfshiu edhe Lulzim Bashën, duke thënë se ka dëgjuar zëra se ky i fundit po tenton ta shkatërrojë këtë protestë.

“Është për të parë se cdo ndodhë, a do rrimë aty deri sa të rrëzojmë qeverinë? Detajet e protestës nuk dihen, ku bazohet ky seriozitet. Ka zëra se Basha po tenton të na prishë protestën”, tha Caca.

Në një mendim diametralisht të kundërtën ka qenë avokati Idajet Beqiri, i cili e cilësoi se protestën e një njeriu që ka dalë jashtë loje edhe ndërkombëtarisht dhe në sy të shqiptarëve

“Kjo është një protestë e njerëzve që kanë dalë jashtë loje edhe ndërkombëtarisht dhe në sy të shqiptarëve, duan të thonë jemi gjallë, por janë të vdekur politikisht, nuk ngjallë shpresë. Do jetë turpi i saj, nuk shkon njeri pas kalit të ngordhur, është një 6 mars i dytë. Do jetë e dështuar se të rrëzosh qeverinë, qeveria duhet të paktën 5% e popullsisë së vendit të jenë në shesh”, tha Beqiri, teksa tha se pikërisht për faktin se është thirrur nga Berisha, nuk do të marrë pjesë në protestë.

Nga ana tjetër, gazetari i Report Tv, Ermal Qori tha se e sheh si një protestë që ka qëllime politike më shumë se qytetare.

“Berisha ka qenë në politik që para se të lindja unë dhe tani kërkon që të marrë pushtetin, kjo nuk është normale”, tha Qori.

Këto reagime vijnë pasi Sali Berisha, njoftoi që më datë 7 Korrik do të organizojë një protestë kundër qeverisë në Tiranë. 

B.K./Sh.Sh/Shqiptarja.com

TAG:
• aulon kalaja
• perparim caca
• idajet beqiri
• sali berisha
• proteste
• repolitix