Protesta e nesërme e PD, Rama e Tahiri takojnë Metën në Kuvend
Edhe mëngjesi i kësaj të mërkure, ashtu siç ka ndodhur në katër të mërkurat e fundit ka nisur me një tjetër takim të kryeministrit Edi Rama dhe kryetarit të Kuvendit Ilir Meta, njëherësh aleati i tij në qeverisje si kreu i partisë së koalicionit, LSI. Vetem nje ore pas bisedes koke me koke Rama-Meta, takimit i eshte bashkuar edhe ministri i Brendshem Saimir Tahiri. VIDEO Paloka: PD s'mban përgjegjësi për atë që do bëjë populli më 12 Mars
TIRANE - Edhe mëngjesi i kësaj të mërkure, ashtu siç ka ndodhur në katër të mërkurat e fundit ka nisur me një tjetër takim të kryeministrit Edi Rama dhe kryetarit të Kuvendit Ilir Meta, njëherësh aleati i tij në qeverisje si kreu i partisë së koalicionit, Lëvizjes Socialiste për Integrim. Vetem nje ore pas bisedes koke me koke Rama-Meta, takimit i eshte bashkuar edhe ministri i Brendshem Saimir Tahiri.
Në fokus të takimit, i cili mbahet një ditë para seancës parlamentare, mendohet se është situata e fundit politike në vend, ku demokratët kërkojnë dorëheqjen e kryeparlamentarit pas akuzave të Doshit se Meta ka urdhëruar vrasjen e tij gjashtë muaj më parë.
Nesër Partia Demokratike ka paralajmëruar protestë rreth orës 11.00 dhe sipas skenarit të zbardhur nga A1 Report, mendohet që protestuesit të bllokojnë hyrjen e Kuvendit ndërsa deputetët e opozitës në sallën e parlamentit do të këmbëngulin për dorëheqjen e Metës. Sipas këtij skenari Kuvendi do të bllokohet derisa të dorëhiqet Meta.
Ora 10.25 Përfundon takimi, kryeministri Rama lë kryesinë e Kuvendit Pas rreth një ore takim me kryeparlamentarin Meta, në fund të të cilit iu bashkua edhe ministri Tahiri, kryeministri Edi Rama ka lënë ambientet e Kryesisë së Kuvendit, ndërsa nuk ka pasur asnjë prononcim për mediat.
Ora 10.23 Ministri i Brendshëm Tahiri lë ambientet e Kuvendit Pasi i është bashkuar rreth 10 minuta takimit Rama-Meta, ministri Tahiri është larguar nga kryesia e Kuvendit.
Ora 10.10 Ministri i Brendshëm Saimir Tahiri i bashkohet takimit Rama-Meta Pas rreth një ore nga biseda kokë më kokë mes kryeministrit Rama dhe kryeparlamentarit Meta, takimit i është bashkuar edhe ministri i Punëve të Brendshme Saimir Tahiri.