Protesta e opozitës/ Bindja demokratike: Basha dhe Kryemadhi të dënojnë aktet e dhunshme të militantëve

Partia Bindja Demokratike ka dënuar aktet e dhunshme të opozitës në protestën e 11 Majit, e cila çoi në plagosjen, dëmtim të pronës dhe të të vendbanimit së Ambasadorit të OSBE-së.

Ajo i bën thirrje liderëve të opozitës të dënojnë aktet e dhunshme të protestës për të punuar për identifikimin e çdo personi që i ka kryer ato, dhe të sigurojnë që protestat e ardhshme të jenë të qeta dhe paqësore.

"Protestat paqësore janë thelbësore për demokraci të shëndetshme dhe e drejta e qytetarëve për t’u mbledhur dhe për të protestuar kundër qeverisë së tyre është themelore. Megjithatë, forca dhe dhuna nuk kanë vend në një proces demokratik. Ne dënojmë dhunën e pranishme gjatë protestave të 11 majit në Tiranë dhe përgjegjësit e saj. Dhuna çoi në plagosje dhe dëmtime të pronës, përfshirë edhe dëmtim të vendbanimit së Ambasadorit të OSBE-së. Këto veprime të dhunshme ishin të paligjshme dhe jodemokratike.

Ne iu bëjmë thirrje udhëheqësve të opozitës, veçanërisht Kryetarit të Partisë Demokratike, Lulzim Basha dhe Kryetares së Lëvizjes Socialiste për Integrim, Monika Kryemadhi, që të dënojnë publikisht veprimet e dhunshme të mbështetësve të tyre, të bashkëpunojnë me çdo hetim që synon të identifikojë çdo person që i kreu ato dhe vënien e tyre përpara përgjegjësisë, si dhe të sigurojnë që të gjitha protestat e ardhshme publike të jenë të qeta dhe paqësore.

Edhe autoritetet ligjzbatuese kanë përgjegjësi për të vepruar me vetëpërmbajtje, përfshirë edhe rastet kur iu përgjigjen provokimeve. Protestat e dhunshme po dëmtojnë përpjekjet e Shqipërisë për reforma demokratike dhe perspektivën e vendit për të bërë përpara në rrugën drejt Bashkimit Europian. Shtetet e Bashkuara nxisin të gjitha palët që të zmbrapsen nga përplasjet dhe të përfshihen në një dialog konstruktiv, që synon t’i japë fund ngërçit politik", thuhet në reagimin e Bindjes Demokratike.

TAG:
• OSBE
• Bindja Demokratike
• protesta e 13 majit