POP 5

Lajmet më të lexuara të 5 minutave të fundit

Aktualitet

Protesta e opozitës/ Washington Post: Opozita refuzon dialogun me Ramën

Në artikull thuhet se opozita, ligjvënësit e të cilës hoqën dorë nga mandatet e tyre në parlament, refuzon të dialogojë me Edi Ramën, duke kërkuar një qeveri tranzitore për të përgatitur zgjedhje të parakohshme.

Sërish protesta e opozitës së bashkuar ka marrë vëmendjen e medieve ndërkombëtare.  “Washington Post” shkruan se protestuesit kanë kërkuan largimin e qeverisë. “Mbështetësit e opozitës shqiptare mbajtën një protestë kundër qeverisë.

Mbështetës të opozitës së qendrës së djathtë, të udhëhequr nga Partia Demokratike, janë mbledhur këtë të shtunë para zyrës së kryeministrit socialist Edi Rama për të kërkuar dorëheqjen e tij". Ndërkohë në artikull thuhet se opozita, ligjvënësit e të cilës hoqën dorë nga mandatet e tyre në parlament, refuzon të dialogojë me Edi Ramën, duke kërkuar një qeveri tranzitore për të përgatitur zgjedhje të parakohshme.


“Tubimet e fundit janë kthyer në dhunë, teksa policia ka përdorur gazin lotsjellës. Shqipëria shpreson të marrë miratimin e BE në qershor për nisjen e negociatave për anëtarësim” shkruan “Washington Post”.

Zëri i Amerikës ka transmetuar ‘Live’ protestën e opozitës së bashkuar, duke përcjellë edhe tensionimin  e situatës. Po ashtu dhe Deutsche Welle, ka transmeton protestën e opozitës, dike shkruar: Protesta në Tiranë: Opozita po zhvillon një marshim duke rrethuar simbolikisht institucionet. Ajo kërkon qeveri tranzitore pa Ramën kryeministër.

d.ba./Shqiptarja.com
Komento

Komente

  • Fahrri Pler Spiuni: 16/03/2019 17:26

    Nuk kerkojnë dialog me palloshin e gjatë sepse per keta 6 vjet nuk kanë lene gje pa thënë per të dhe keshtu nuk bejne dot mbrapa tani qe të dialogojnë. Mendonin se do e rrëzonin por nga sa duket, atë qe u beri piktori këtyre, nuk ua ka bere askush...i shkriu si parti duke i dërrmuar keqas e duke i zhbërë e shpërndarë sa andej këndej si zogjtë e pulës. Rama perfundimisht u injektoi shiringën e zhbërjes së tyre, ashtu si një kompiuteri kur i injekton virus dhe i çakordon sistemit, qëndrën, trurin. Piktori sharlatan më në fund shkatërroi me marifet e pa zhurmë, PD të Shqipërisë!

    Përgjigju

Lajme të tjera