Protesta e studentëve/ Rektorët raportojnë në komision, Koni: Mbështes Asambletë, kemi buxhet të vogël (Debat Vokshi-Ylli)

Protesta e studentëve/ Rektorët raportojnë në komision, Koni: Mbështes Asambletë, kemi buxhet të vogël (Debat Vokshi-Ylli)

Komisioni i Medias

Komisioni për Edukimin dhe Mjetet e Informimit Publik po zhvillon ditën e sotme një seancë dëgjimore me rektorët e Universiteteve publike për situatën e krijuar në universitete gjatë dhe pas protestës studentore; menaxhimi i situatës rast pas rasti; situata financiare në Universitete dhe qëndrimin e rektorëve ndaj VKM-ve. Rektori i Universitetit të Tiranës, Mynyr Koni, deklaroi sot se mbështet qëndrimet e Asambleve të Fakulteteve, ndërsa kërkoi rritjen e buxhetit të shtetit për Universitetin dhe Doktoraturat.

"Universiteti i Tiranës ka një buxhet shumë të vogël për pagat që mbulohej me tarifat e studentëve dhe kam kërkuar në këtë komision që të mbulohet 100% nga buxheti i shtetit. Kam kërkuar dhe rritjen e buxhetit për kërkimin shkencor për shkak të hapjes së shkollës së Doktoraturës. Kërkimi shkencor lë për të dëshiruar për shkak të mungesës së një fondi të caktuar.

Po cënohet cikli i tretë i studimeve për shkak se ligji i ri ka përcaktuar që Doktoraturat zhvillohen në kuadër të një projekti kërkimor që duhet të financohet nga Agjencia Kombëtare e Kërkimit Shkencor. Unë i mbështes të gjithë qëndrimet e Asambleve së Fakulteteve" deklaroi Koni. 

Seanca është shoqëruar edhe me debate të forta mes Albana Vokshit dhe Fidel Yllit. "Mos e ngre zërin, se është turp i madh, je përballë profesorëve, nuk e dështon dot seancën" u shpreh Vokshi, ndërsa Ylli reagoi 'Nuk jemi për të dëgjuar ty, po ata, boll tani".

Ndërsa në orën 12:00 me kërkesën e një grupi deputetësh opozitar do të raportojë Ministri i Brendshëm, Sandër Lleshaj, i cili sipas njoftimit të komisionit të drejtuar nga Albana Vokshi do të japë shpjegime dhe informacione në lidhje me dhunën e ushtruar në ambientet e fakulteteve ndaj studentëve.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Donela: 06/02/2019 14:24

    E keni katandisur si mos me keq Universitetin,dhe kjo e gjitha fale Rektorit me te ulet Menyr Koni,nje kone i Berishes dhe PD-se,e turpshme.

    Përgjigju
  • Sondazhi i ditës:

    A është Shqipëria në rrugën e duhur pas 110 viteve pavarësi?



×

Lajmi i fundit

FOTO/ Totti i përket së shkuarës, Ilary Blassi 'bën publike' romancën e re

FOTO/ Totti i përket së shkuarës, Ilary Blassi 'bën publike' romancën e re