Protesta kundër rritjes së çmimit të naftës, Policia: Bllokuan rrugët, e paligjshme! Në gatishmëri për sigurimin e rendit dhe mbrojtjen e protestuesve paqësorë

Policia e Shtetit ka reaguar me një njoftim në lidhej me protestën që u zhvillua sot në Toranë, kundër rritjes së çmimit të naftës. Në deklaratë nuk thuhet asgjë për protestuesit e shoqëruar, teksa theksohet se bllokimi i rrugëve ishte një veprim i paligjshëm. Po ashtu Policia njofton se protestuesit kundërshtuan edhe efektivët.

Njoftimi i plotë:

Nisur nga situata e krijuar sot, në disa rrugë, në të cilat pati bllokime të lëvizjes së lirë të automjeteve dhe të qytetarëve, si dhe kundërshtime ndaj punonjësve të Policisë që ishin në detyrë për të siguruar rendin e qetësinë, si dhe lëvizjen e lirë të qytetarëve, bëjmë me dije se:

Policia e Shtetit është në gatishmëri të plotë për sigurimin e rendit dhe të qetësisë dhe në mbrojtje të çdo qytetari i cili proteston në mënyrë paqësore, pa cenuar të drejtat dhe liritë e të tjerëve.

Njëkohësisht, Policia e Shtetit, ashtu sikurse është e angazhuar për të mbrojtur të drejtat dhe liritë e qytetarëve, është e vendosur të marrë masa ndaj çdo paligjshmërie dhe të procedojë penalisht çdo person që kryen akte në dëm të qytetarëve apo të lëvizjes së lirë të tyre, siç ishte  dhe rasti i sotëm i bllokimit të disa rrugëve.

Policia e Shtetit u bën thirrje të gjithë qytetarëve që të mos përfshihen në akte dhune dhe paligjshmëri, në çfarëdolloj forme të shfaqjes së saj, sepse do të përballen me forcën e ligjit.

 

Lajmi kryesor:

Rritja e çmimit të naftës, 3 orë protestë në Tiranë! Qindra qytetarë para Kryeministrisë: Do jemi çdo ditë këtu! Bllokuan rrugët e Unazës për disa minuta! 20 të shoqëruar

TAG:
• Tirane
• rritja e cmimit të naftës
• proteste