ARGJENTINE - Dhjetëra mijëra argjentinas pushtuan rrugët e kryeqytetit në protestat masive, që po mbahen ndaj qeverisë së presidentes Cristina Fernandez.

Turma e njerëzve marshoi paqësisht në Buenos Aires, duke lëshuar slogane anti-qeveritare e duke valëvitur flamuj kombëtar.

Protestuesit u mblodhën edhe para ndërtesës presidenciale ku shprehën pakënaqësinë e tyre edhe për inflacionin dhe korrupsionin e lartë.

Presidentja e Argjentinës Cristina Fernandez në fillim të marsit propozoi në parlament një projektligj të ri mbi reformat gjyqësore ku zgjedhja e gjykatësve të lartë nuk do të bëhet nga Gjykata Supreme, por me anën e votës popullore.

Opozita ka kritikuar këtë lëvizje duke thënë se mund të politizojë gjyqësorin.

Protesta masive u zhvilluan edhe në qytetet e tjera të shtetit latin.

(ad.ti/l.ç/shqiptarja.com)