Protesta në disa shtete kundër
Trump: S'është Presidenti ynë

Jo të gjithë e kanë mirëpritur Donald Trump si president të SHBA. Mijëra persona kanë dalë në rrugë në shumë qytetet për të protestuar me inat dhe zhgënjim fitoren e kandidatit republikan.

Shumë shtete u përfshinë nga një turmë e madhe manifestuesish të cilët thërrisnin "Nuk është Presidenti im", "Dashuria mund urrejtjen". Protesta të shumta pati në Kaliforni, Neë York, Cikago, Seattle, Boston, Detroit, Filadelfia. 

Manifestimet pati në shkolla dhe në univeristete. Reagime ka patur edhe në rrjetet sociale ku në një kuadrat të zi janë vendosur hashtag TëitterBlackOut dhe Ai nuk është presidenti im. Shumë njerëz besojnë se Donald Trump di të ketë një ndikim negative në çështje të tilla si emigrantët, minorancat dhe komuniteti LGBT.

E në fakt tensionet më të mëdha u shënuan në New York në zemër të Manhattan ku ndodhet edhe rezidenca e presidentit të ri, Kulla Trump në Fifth Avenue. Një kordon njerëzish u nisën drej kullës e cila që nga dita e djeshme është e blinduar. Të paktën 30 persona u arrestuan gjatë trazirave. Shumë prej protestuesve i vunë flakën fotove të Trump.

Mes protestuesve kanë qënë edhe yje muzikore mes tyre këngëtarja e njohur Lady Gaga e cila me një pankartë në dorë Love Trumps Hate ka qënë e pranishme mes manifestuesve.

Shumë yje kanë shprehur zhgënjimin edhe në rrjetet sociale ku përmendim Katty Perry, Madonna, Bon Jovi, Bruce Springsteen, George Clooney.

Madona e shprehu zhgënjimin e saj duke publikuar një foto ku ishte së bashku me dy klloun por të mërzitur.

Katy Perry publikoi video të protestave. Shumë prej tyre gjatë fushatës kishin mbështetur fuqishëm demokraten Hillary Clinton

[gallery]19576[/gallery]





(Protestat kundër Trump në SHBA)

Redaksia Online
l.q/Shqiptarja.com