MAQEDONI-Një protestë e organizuar nga aktivistët e shoqatës “Të palëkundurit” u zhvilluar gjatë mbrëmjes së djeshme në Shkup.
Ndërkohë sipas mediave lokale, protestës iu bashkuan edhe shumë qytetarë, të cilët protestonin së bashku kundër zyrtarizimit të gjuhës shqipe dhe ashtu si shprehen ata kundër ndarjes së Maqedonisë.
Nga ana tjetër, kreu i Organizatës “Të palëkundurit”, Dragan Ugrinovski, ka deklaruar se të pranishmit janë grumbulluar vullnetarisht për të mbrojtur Maqedoninë dhe u ka kërkuar mediave që mos ta lidhin protestën me partitë politike.
Përfaqësuesit e shoqatës “Të palëkundurit”, janë shprehur se do të vazhdojnë protestën deri në shfuqizimin e “platformës shqiptare”.
Ndërkohë, sipas mediave maqedonase, protesta kundër zyrtarizimit të gjuhës shqipe është “bekuar” edhe nga një prift i kishës ortodokse.
“Shpëtoi Zot njerëzit e tu dhe bekoje trashëgiminë tonë. Besoj popullit tonë ortodoks, mposhte armikun. Dhe ruaje kryqin tënd jetëbërës. Amin”, kanë qenë fjalët e priftit.