Arrestimi i kryebashkiakut të Stambollit Ekrem Imamoglu, kundërshtari kryesor i Erdogan, ka shkaktuar protesta në mbarë Turqinë. Gazetari Sokol Brahaj, në një intervistë nga Izmiri për “Sot Live në Shqipëri” në Report TV, tha se pas arrestimit të bujshëm, presidenti turk nuk ka bërë asnjë deklaratë.
“Vetë presidenti aktual për një rast shumë domethënës dhe kaotik në politikën e Turqisë, arrestimi i kryetarit të bashkisë më të madhe, kryetar i Unionit të Bashkive të Turqisë, ende nuk ka bërë asnjë deklaratë. Nuk ka folur dhe kjo lë për të dyshuar që një gjë kaq e rëndësishme presidenti të mos japë asnjë lloj komunikate.”, u shpreh gazetari.
Gazetari u shpreh se Imamoglu është i vetmi lider që ka fituar katër palë zgjedhje kundër partisë së Erdogan dhe shihet si një rival kryesor.
“Imamoglu është i vetmi lider politik që ka bërë 4 zgjedhje kundër Erdogan dhe partisë së tij dhe të gjitha i ka fituar. Kur ka qenë kandidat për kryetar të bashkisë dhe minibashkie të Stambollit, pas shumë vitesh e ka marrë nga partia e Erdogan. Para 6 viteve, që ishte për kandidat bashkinë e madhe të Stambollit mori me 70-80 mijë vota më shumë bashkinë por vetë forca politike dhe shteti i anuluan zgjedhjet. Pas tre muajsh, u ripërsëritën zgjedhjet dhe aty i fitoi me 800 mijë vota më shumë. Edhe vitin e kaluar, Imamoglu arriti të mundë partinë e Erdogan dhe nga ana e qeverisë ka krijuar një frikë dhe i vetmi në Turqi që ka arritur të mundë partinë dhe Erdogan.”, u shpreh Brahaj.
Brahaj shtoi se të dielën do të mbahen zgjedhjet në Partinë Popullore Republikane (CHP), ku Imamoglu pritet që zgjidhet kandidat për zgjedhjet e ardhshme presidenciale.
“Automatikisht do të jetë sepse është i vetmi kandidat i kësaj partie në zgjedhjet e ardhshme presidenciale. Por do të presim deri të dielën pasi opozita është e përbetuar në fjalimet zyrtare që këto zgjedhje primare në parti do të jenë të dielën në Turqi. Ngaqë u arrestua Imamoglu, kryetari i partisë opozitare tha se do të vendosin dy kuti në zgjedhjen e kandidatëve për presidentë, një e 1 750 000 anëtarëve të partisë dhe një për popullin e thjeshtë të bëjnë solidaritet e Imamoglu.”, shtoi Brahaj.
Më tej, ai u ndal edhe te anulimi i diplomës universitare të Imamoglu nga Universiteti i Stambollit para se të arrestohej, gjë që mund t’i shkaktojë probleme për të kandiduar. Nëse ky problem nuk do të zgjidhet në gjykatë, Imamoglu rrezikon që të mos kandidojë për të qenë presidenti i ardhshëm i vendit.
Komente
Lajme të tjera
-
Turqi/ S'ndalen protestat, 300 mijë njerëz në shesh kundër arrestimit të kryebashkiakut Imamoglu, përleshen me policinë! Erdogan: S'i dorëzohemi terrorit të rrugës (VIDEO)
21 Mars, 20:41 -
Qeveria turke paralajmëron opozitën të mos bëjë thirrje për protesta, pas arrestimit të Imamoglut
21 Mars, 16:14 -
Turqia merr në mbrojtje rajonin dhe Shqipërinë! Zbulohet marrëveshja e luftës
21 Mars, 13:52
-
Erdogan thyen heshtjen për arrestimin e Imamoglu: Nuk mund të mohoni korrupsionin
20 Mars, 19:42 -
Arrestimi i rivalit të Erdogan, shpërthejnë protestat në Turqi! 37 të arrestuar për postime 'provokuese' në rrjete sociale
20 Mars, 12:12 -
Von der Leyen reagon për arrestimin e kryetarit të bashkisë së Stambollit: Turqia duhet të mbrojë vlerat evropiane
19 Mars, 18:52 -
'Arrestimi i Ekrem Imamoglu-t një shkelje e rëndë'/ Bakojanis kërkon me urgjencë debat në Këshillin e Evropës për ngjarjen në Turqi
19 Mars, 18:28 -
VIDEO/ Arrestimi i kryebashkiakut të Stambollit shkakton protesta/ Studentët përplasen me policinë
19 Mars, 15:28 -
Arrestohet për korrupsion kryetari i bashkisë së Stambollit, kundërshtar i Erdogan, studentët në protesta përplasen me policinë! Lëshohen 100 urdhër arreste
19 Mars, 07:06 -
Presidenti Erdogan kërkon një takim në Shtëpinë e Bardhë me Trump
18 Mars, 12:06 -
VIDEO/ Rey Manaj 'ndez' para grumbullimit në Kombëtare, i shënon Visar Bekajt në Turqi
16 Mars, 17:58 -
Erdogan bisedë telefonike me Trump, presidenti turk kërkon heqjen e sanksioneve ndaj Turqisë dhe forcimin e bashkëpunimit mes dy shteteve
16 Mars, 17:57
