POP 5

Lajmet më të lexuara të 5 minutave të fundit

Kosova & Rajoni

Protesta studentore edhe në Tetovë: Të depolitizohet arsimi, të plotësohen kërkesat tona

Nën thirrjet për depolitizim, drejtësi dhe transparencë qindra studentë shqiptarë në Maqedoni, kanë organizuar të martën protesta para sheshit Iliria, në Tetovë të cilët ashtu si edhe studentët në Tiranë, kanë parashtruar kërkesat para qeverisë maqedonase duke kërkuar ulje të taksash, luftë kundër korrupsionit dhe reformim të sistemit arsimor në tërësi.

Protesta studentore edhe në Tetovë: Të depolitizohet arsimi, të plotësohen kërkesat tona

Studentët gjatë protestave ne Tetovë

Të organizuar nën ermrin “ Studentët e revoltuar” qindra studentë shqiptarë kanë protestuar të martën në Tetovë duke kërkuar ngritjen e cilësisë së arsimit të lartë, depolitizimin, luftën kundër korrupsionit dhe uljen e taksave për pagesa. 

Me thirrjet për depolitizim, drejtësi dhe transparencë studentët shqiptarë në Maqedoni, protestuan para sheshit “Iliria” duke kërkuar të plotësohen të drejtat e tyre elementare. Kërkesat e tyre, studentët ua kanë drejtuar Qeverisë së Maqedonisë dhe rektorëve të universiteteve për  mësim në gjuhën shqipe, ku bëjnë pjesë, Universiteti i Tetovës, Universiteti “Nënë Terezë” dhe Universiteti i Evropës Juglindore

“Tek prisnin të piqeshin kushtet, na u kalbën dëshirat”, nën këto thirrje studentët kanë zhvilluar protestën pranë Universitetit Shtetëror të Tetovës, ku kërkuan nga autoritetet që t’ua plotësojnë kërkesat e tyre të cilat dolën në formën e thirrjeve , kundër korrupsionit në universitete, depolitizim të universiteteve, por edhe çështjeve tjera me të cilat përballen studentët.

Sipas mediave vendase protesta kanë ardhur si mbështetje e protestës së studentëve në Shqipëri , por kërkesat kanë dalë nga gjendja e arsimit të lartë në Maqedoni. Formati i kësaj proteste është i ngjashëm me ato të Shqipërisë, ku mijëra studentë po protestojnë prej  16 ditësh në kryeqytet dhe rrethe ku kërkojën  plotësimin e kërkesave të tyre, të parashtruara në 8 pika kryesore ku kërkohet përgjysmim i tarifave studimore dhe përmirësim të kushteve të cilësisë së mëesimdhënies deri në  sistemit arsimor.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29