Të paktën 648 protestues janë vrarë në Iran gjatë demonstratave antiqeveritare, ndërsa pothuajse 10,700 persona janë arrestuar.

Teksa numri mund të rritet më tej, Shtëpia e Bardhë tha përmes një deklarate se presidenti Donald Trump "nuk ka frikë të përdorë forcën kundër Iranit, por dëshiron diplomaci".

Zëdhënësja Karoline Leavitt i tha gjithashtu Fox News se Teherani po u dërgon Shteteve të Bashkuara "mesazhe disi të ndryshme" nga ato publike, duke sugjeruar një ton më pajtues.

Presidenti, shtoi Leavitt, "është shumë i kujdesshëm në mbajtjen gjithmonë të të gjitha opsioneve në tryezë. Sulmet ajrore do të ishin një nga shumë opsione në tryezë. Diplomacia është gjithmonë opsioni i parë i presidentit".

lajm ne perditesim...

Rendit zhvillimet sipas orarit:
Ora 09:46
Protestat masive, SHBA thirrje qytetarëve të saj në Iran: Largohuni menjëherë nga vendi

1768294252_protestatneiran.JPG

Ambasada virtuale e SHBA-së në Iran u ka kërkuar qytetarëve amerikanë të largohen menjëherë nga vendi.

"Protestat në të gjithë Iranin po përshkallëzohen dhe mund të shndërrohen në të dhunshme, duke rezultuar në arrestime dhe lëndime. Masat e shtuara të sigurisë, mbylljet e rrugëve, ndërprerjet e transportit publik dhe bllokimet e internetit janë duke vazhduar.", thuhej në njoftim.

Sipas ambasadës, qytetarët duhet të përdorin rrugë tokësore për në Armeni ose Turqi dhe të kenë një plan që nuk mbështetet në ndihmën e qeverisë amerikane.

Nëse largimi është i pamundur, ambasada virtuale thotë se njerëzit duhet të fshihen në një vend të sigurt.May be an image of text

R.C/Shqiptarja.com

Ora 08:20
Trump kërcënon me tarifë doganore 25% çdo vend që bën tregti me Iranin: Do të hyjë në fuqi menjëherë

1768143639_donaldtrump.jpg

Donald Trump deklaroi se çdo vend që bën biznes me Republikën Islamike të Iranit do të paguajë një tarifë prej 25%, e cila do të hyjë në fuqi menjëherë.

"Ky urdhër është përfundimtar," tha Trump në një postim në platformën e tij Truth Social.

E Vërteta Sociale

R.C/Shqiptarja.com