POP 5

Lajmet më të lexuara të 5 minutave të fundit

Bota

Protestat, presidenti kazak: Tentativë për grusht shteti! Putin: Kazakistani u godit nga terrorizmi ndërkombëtar

Një javë pas protestave të përgjakshme në Kazakistan, presidenti Tokayev i konsideroi përpjekje për grusht shteti për të marrë pushtetin me dhunë. Ndërkohë, presidenti rus Putin thotë se Kazakistani u godit nga terrorizmi ndërkombëtar.  

Tentativë për grusht shteti i ka konsideruar presidenti i Kazakistanit protestat e përgjakshme.  

President Kassym-Jomart Tokayev u tha liderve të aleancës së vendeve të ish bashkimit sovjetik, se të gjitha veprimet e ndërmarra ishin koordinuar nga një dorë e vetme, por nuk bëri të ditur emra konkretë. Sipas tij militantët e armatosur ishin në pritje dhe menjëherë iu bashkuan protestës. “Qëllimi ishte të cenohej rendi kushtetues, shkatërrimi i institucioneve qeveritare dhe marrja e pushtetit me dhunë”, tha Tokayev.

Gjatë videokonferencës së aleancës edhe presidenti rus Vladimir Putin ka qenë në të njëjtën linjë, duke deklaruar se Kazakistani u godit nga terrorizmi ndërkombëtar, por pa pohuar fakte. Putin tha se beson se ata që shkaktuan protestat e përgjakshme në Kazakistan u trajnuan në kampe terroriste jashtë vendit, duke nënvizuar se Rusia nuk do të lejojë kurrë revolucion në këtë rajon.  

Trupat ruse dhe të shteteve të tjera të Aleancës, janë ende në Kazakistan për të rikthyer normalitetin. 

Protestat nisën në 2 janar për shkak të pakënaqësisë për rritjen e çmimit të karburanteve dhe shumë shpejt u shndërruan në më ashprat që kanë ndodhur në 30 vitet që Kazakistani është i pavarur. Nga luftimet janë raportuar dhjetëra të vdekur, mes tyre edhe 16 pjesëtarë të forcave të sigurisë.

Sipas BBC, protestat dhe dhuna që pasoi mund të kenë lidhje me luftën për pushtet brenda elitave politike. 

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57