Në kohën kur kryetarja e Dhomave të Specializuara, Ekaterina Trendafilova po mbante një konferencë në Prishtinë, në ambientet e jashtme po zhvillonin një protestë.
Madje në shenjë proteste ata kanë hyrë në sallën e konferencës duke u fryrë bilbilave dhe deklaruan se ata nuk do të lejonin një konferencë të një “përfaqësuese të një gjykate të padrejtë që asnjëherë nuk mund të sjellë drejtësi”.
Aktiviteti është organizuar nga Partia Socialdemokrate në Kosovë. Në përfundim të kësaj proteste ka pasur disa të arrestuar mes të cilëve edhe bashkëshorti i ish-ministres së Arsimit Besa Shahini, Dardan Molliqaj, i cili në imazhet e shpërndara në media është shfaqur i gjakosur. Pas disa orësh që u mbajt në qeli kreu i PSD-së u la i lirë së bashku me aktivistët e tjerë të kësaj partie që u arrestuan sot.
Konferenca e Trëndafilovës po mbahej për të dhënë të dhëna në lidhje me gjyqet që po zhvillojnë aktualisht Gjykata Speciale. Ajo tha se gjykimi ndaj Salih Mustafës do të nisë më 15 shtator, ndërkaq nga fundi i këtij muaji po ashtu pritet të nisë gjykimi edhe ndaj ish-krerëve të Organizatës së Veteranëve të Luftës Hysni Gucatit dhe Nasim Haradinaj.
Sa i përket rastit të ish-presidentit Hashim Thaçi, ish-kryetarit të Partisë Demokratike të Kosovës, Kadri Veseli, ish-kryeparlamentarit, Jakup Krasniqi dhe ish-deputetit të Lëvizjes Vetëvendosje, Rexhep Selimi tha se puna është duke u zhvilluar me intensitet të lartë. Ndaj Thaçit, Veselit, Krasniqit dhe Selimit rëndojnë akuza për krime lufte dhe krime kundër njerëzimit. Që nga nëntori i vitit të kaluar, që të gjithë ndodhen në paraburgim në Hagë. Gjykata është themeluar nga Kuvendi i Kosovës, por vepron në Hagë të Holandës.
Kreu i Partisë Social Demokrate, Dardan Molliqaj ka reaguar pas arrestimit me dhunë nga Policia e Kosovës, për shkak të një proteste ku aktivistë të partisë penguan konferencën e kryetares së Gjykatës Speciale, Ekaterina Trëndafilova.
Prëmes një postimi në rrjetet sociale, Molliqaj shkruan se mbrojtja e UÇK-së ëshët detyrë e kohës dhe do të bëhet pavaërisht faktit se pushteti iu përgjigjet protestave me dhunë. Ndër të tjera, burri i ish-ministres së Arsimit, Besa Shahini, thotë se ata që nuk luftojnë për UÇK-në janë rreshtuar kundër saj.
“Mbrojtja e UÇK-së është detyrë e kohës!
Sot kur ndaj UÇK-së po bëhet luftë speciale, jashtë e brenda vendit, mbrojtja e saj është detyrë e kohës. Është mbrojtje e shtetit të Kosovës. Sepse nuk qëndron dot, e fortë dhe e sigurt një ndërtesë që ia gërryejnë themelin.
Kur nuk e mbron UÇK-në, tashmë je rreshtuar. Ke marrë pozicion, kundër UÇK-së. Prandaj i arreston ata që e mbrojnë. Prandaj i mbron, i ngritë lartë e u jep pozita atyre që e luftojnë.
Ndërkaq dhuna ndaj nesh, nuk është thjeshtë dhunë ndaj nesh. Është dhunë e mosdurimit të pushtetit sa herë që i shpaloset pozicioni i tij i gabuar.
Po ky pushtet, me këtë mënyrë të të menduarit, u ka dhënë zemër fraksioneve brenda policisë që janë kundër UÇK-së. U ka dhënë zemër të sillen dhunshëm ndaj kujtdo që është kundër qeverisë. Prandaj dhuna e shfrenuar.
Sot mbrojtja e UÇK-së është detyrë e kohës. Është detyrë e secilit. Është detyrë që do të kryhet, pavarësisht çfarë dhune nxjerrë pushteti përballë”, shkruan kreu i PSD-së.
Kreu i PSD-së, Dardan Molliqaj, dhe aktivistët e tjerë të kësaj partie që u arrestuan sot pas aksionit për pengimin e konferencës së kryetares së Gjykatës Speciale, Ekaterina Trëndafilova, janë liruar.
“Rreth orës 10:00 është pranuar informata për një aktivitet të paparalajmëruar nga një grup personash, të ndodhur në rrugën “Agim Ramadani” në Prishtinë. Veprimet që kanë karakterizuar këtë aktivitet kanë determinuar reagimin policor dhe për rrjedhojë pesë nga këta persona janë shoqëruar në stacionin policor. Hetuesit policor të udhëhequr nga prokurori i shtetit kanë kryer veprimet preliminare hetimore me qëllim të sqarimit dhe ndriçimit të plotë të rrethanave që kanë karakterizuar ngjarjen”, ka deklaruar Borovci.
Borovci deklaroi se të gjithë aktivistët e arrestuar sot nga policia, janë liruar në procedurë të rregullt.
Ish-ministrja e Arsimit, Besa Shahini ka reaguar lidhur me arrestimin e bashkëshortit të saj, kreun e PSD-së, Dardan Molliqaj.
Shahini shkruan se kryeministri Albin Kurti po dëshiron të shuajë çdo zë opozitar në Kosovë. Përmes një postimi ajo nënvizon se nevoja e Kurtit për ta shuar zërin opozitar ka kaluar në absurditet, ndërsa shtoi se aktivistët u rrahën dhe u arrestuan dhunshëm. Ajo thotë ndër të tjera se demokracia në Kosovë është në pikën e saj më të brishtë që nga paslufta.
Postimi i Besa Shahinit:
Nevoja e Albinit që të shuajë çdo zë opozitar në Kosovë ka kaluar në absurditet. Pesë aktivistët në aksionin simbolik kundër gjykatës së padrejtë speciale - tashmë e shndërruar në gjykatë kundër UÇK-së - u rrahën dhe arrestuan dhunshëm. Në korrik ndodhi e njejta, kur Albini nxorri policinë për të mbrojtur një taksë absurde shtesë të regjistrimit të makinave, të cilën e tërhoqi më vonë.
Para kësaj, u organizua një protestë e vogël kundër hipokrizisë së VV-së e cila bëri fushatë të hapur elektorale, të rrezikshme për shëndetin midis pandemisë dhe menjëherë pasi fitoi zgjedhjet vendosi masa të rrepta duke u thirrur në pandemi, që rezultuan në mbyllje biznesesh dhe gjobitje marramendëse të qytetarëve. Protesta u mbyll me dhunë policore, aq në shpërputhje me aksionin e protestuesve, sa nuk ishte parë që nga koha e UNMIK-ut.
Nëse nuk i shuan me dhunë, Albini nxjerr ministrat e vet në protestë, për ta përvetësuar kauzen, siç ndodhi me daljen e turpshme të ministres së drejtësisë dhe atij të brendshëm në protestat kundër vrasjes brutale të një gruaje të re nga partneri i saj.
Shëndeti i demokracisë në Kosovë është në pikën e vet më të brishtë që nga paslufta. E vetmja fije shprese është fakti që nën pushtetet e dhunshme, pashmangshëm rritet e forcohet opozita. Kështu që paradoksalisht, nevoja dhe hapësira për opozitë të re dhe të zëshme po vjen duke u rritur.
Në Prishtinë ka pasur tensione sot gjatë një proteste të disa aktivistëve të PSD-së në Kosovë në kohën kur po pritej konferenca e kryetares së Gjykatës Speciale, Trendafilova.
Pas tensioneve në protestën e paralajmëruar është arrestuar edhe kreu i PSD-së, Dardan Molliqaj dhe aktivistë të tjerë të PSD-së. Siç shihet nga pamjet e publikuara, Molliqaj është gjakosur në protestën ndaj Trendafilovas.
Komente
Lajme të tjera
-
Dështimi i Kombëtares, Eduard Prodani në Report TV: FSHF është përgjegjëse, sukseset e ekipit s'lidhen me Dukën! Dënimi i Kosovës? UEFA të vendos litarin po ule kokën
20 Nëntor, 19:54 -
Zyrtare/ UEFA me dorë të fortë, Kosova humbet 3-0 ndeshjen e braktisur në Bukuresht për racizëm! Rumania gjobë 128 mijë euro dhe një sfidë pa tifozë! FFK: E apelojmë në CAS
20 Nëntor, 15:12 -
Trajneri i Rumanisë ofendon Kosovën: Gënjejnë si njerëz të paturpshëm
19 Nëntor, 16:24 -
Jashari 'ëngjëll dhe djall', Kosova mposht me vështirësi Lituaninë! UEFA nis hetim për ndeshjen në Bukuresht
19 Nëntor, 15:20 -
Skandali në Rumani/ FFK: Thirrjet raciste 'Kosova është Serbi', e ofendimet të pranishme gjithë ndeshjen, futbollistët mbrojtën dinjitetin e shtetit të tyre! UEFA të veprojë
16 Nëntor, 11:38 -
Transferta me Rumaninë, Foda i Kosovës njofton ndryshime: Luajmë vetëm për fitore
15 Nëntor, 14:33 -
Liga e Kombeve/ Kosova kërkon vendin e parë, transfertë delikate në Bukuresht! Spanjës i duhet një pikë, luhet Zvicër - Serbi
15 Nëntor, 12:16 -
'Panucci më ftoi në Kombëtare, ia lashë derën hapur', Edon Zhegrova: Takova Vokrrin dhe zgjodha menjëherë Kosovën
12 Nëntor, 14:11 -
Kurti për marrëveshjen e Uashingtonit: Së pari ajo e Brukselit
11 Nëntor, 15:30 -
Kosovë/ Drafti për asocacionin nuk do dërgohet në kushtetuese, qeveria: Non paper, jo detyrues! Serbia s'e ka pranuar
9 Nëntor, 22:29
-
Zgjedhjet Presidenciale në SHBA/ Me Harrisin pak pritje për Kosovën, me Trumpin turbullira
3 Nëntor, 16:08 -
Kryediplomatët e Kosovës dhe Serbisë përplasen në OKB! Gërvalla: Qytetarët u çliruan nga bandat kriminale! Gjuriç: Po diskriminohen serbët në veri
30 Tetor, 18:47
Ju dhe për cilin sigurim ka punuar babai yt, tregoje këtë së pari pastaj nga kush paguhet burri yt…!
PërgjigjuEdhe ne Prishtine po shuguronin ndokend?
Përgjigju