Gazetarja ruse Marina Ovsyannikova 'pushtoi' titujt e mediave me gjestin e saj të guximshëm, ku protestoi live në televizionin shtetëror rus kundër pushtimit të Ukrainës.
Redaktore në Channel 1 të kontrolluar nga shteti, ajo u arrestua pasi doli në ekran duke mbajtur në duar një pankartë që lexonte "jo luftë". Veprimi i kushtoi asaj një gjobë prej 257 euro, ndërsa pas daljes nga gjykata, gazetarja u shpreh se ishte marrë 14 orë në pyetje dhe se nuk kishte fjetur prej dy ditësh.
"Marrja në pyetje ka zgjatur më shumë se 14 orë, nuk më kanë lejuar të kontaktoj me familjen apo miqtë e mi, më është ndaluar të kisha një avokat. Ishte vendimi im kundër luftës. E mora vetë këtë vendim sepse nuk më pëlqen që Rusia të fillojë këtë pushtim. Ishte vërtet e tmerrshme," tha.
Gazetarja i bëri thirrje popullit rus të protestojë kundër luftës, duke thënë se vetëm ata kanë fuqinë për të "ndaluar gjithë këtë çmenduri". "Mos kini frikë nga asgjë. Ata nuk mund të na burgosin të gjithëve," tha ajo.
Nuk është e qartë nëse ajo do të përballet me akuza të veçanta në lidhje me protestën e saj në TV livepasi sipas një ligji penal të ri në Rusi, ndalohet që veprimet ushtarake të Rusisë në Ukrainë të quhen "pushtim".
Pas ngjarjes, Ovsyannikova u arrestua menjëherë, ndërsa për disa orë askush nuk dinte asgjë për të, por më pas u publikua një foto ku ajo dukej në gjykatë bashkë me avokatin.
Para incidentit, ajo regjistroi një video në të cilën tha se i vinte turp të punonte për atë që ajo e quajti 'propagandë e Kremlinit'.
"Më vjen turp që i lejova vetes të them gënjeshtra nga ekrani i televizionit. Më vjen turp që lejova që rusët të shndërrohen në zombie. Ne thjesht e pamë në heshtje këtë regjim çnjerëzor”, tha ajo.
Lajme të tjera
-
Zelensky thirrje Perëndimit të lehtësojë kufizimet për sulmet ukrainase brenda Rusisë
30 Qershor, 22:53 -
Forcohet presioni mbi Rusinë, BE vendos sanksione të reja ndaj Bjellorusisë
30 Qershor, 07:33 -
'Bën mirë të mos kthehesh te Rubini', brigada ushtarake ruse kërcënon Mirlind Dakun
28 Qershor, 19:45 -
Zyrtari rus: 10.000 punëtorë migrantë janë dërguar për të luftuar në Ukrainë
27 Qershor, 15:09 -
23 dronë rusë dhe 6 raketa godasin Ukrainën gjatë natës
27 Qershor, 10:30 -
Euro 2024/ Katër skuadra e mbyllin Grupin E me 4 pikë, Rumania, Belgjika dhe Sllovakia kalojnë në 1/8! Ukraina del jashtë eventit
26 Qershor, 19:55 -
Trump: BE-ja duhet të paguajë një pjesë më të madhe të kostove të konfliktit në Ukrainë
26 Qershor, 11:51 -
Fillon gjyqi ndaj gazetarit amerikan në Rusi
26 Qershor, 10:57 -
Shefi i Pentagonit flet në telefon me Ministrin e Mbrojtjes të Rusisë
26 Qershor, 09:00 -
Moska sanksionon mediat perëndimore! Bllokon faqet e internetit të Rai, La7, Repubblica dhe Stampa
25 Qershor, 13:48 -
Rusi/ Përkeqësohet numri i të vdekurve nga sulmi në Dagestan, 21 të vdekur
25 Qershor, 11:22 -
Lufta në Ukrainë/ Shumë humbje, Zelensky zëvendëson kreun e Forcave të Armatosura
25 Qershor, 10:26
