TIRANË- Pas një sage 5-vjeçare që nga tërmeti tragjik i nëntorit 2019, Milena Nikollit, 62-vjeçares nga Kodër Thumana i është premtuar zgjidhje për fondin e rindërtimit. E vetme, e vendosur dhe e zhgënjyer nga burokracia, 62-vjeçarja protestoi dje para Ministrisë së Infrastrukturës, e cila drejtohet nga ministrja Belinda Balluku.
Report Tv denoncoi rastin e 62-vjeçares, e cila protestoi jo vetëm ditën, por kaloi edhe natën para Ministrisë së Infrastrukturës me këmbëngulje për të kërkuar fondin e rindërtimit prej 34 milionë lekësh të vjetra, të cilin nuk ia lëvronin. 62-vjeçarja thotë për Report Tv thotë se kryetari i Bashkisë së Krujë, Artur Bushi i ka premtuar zgjidhje. Ajo thekson se është kontaktuar nga Bushi, i cili i ka premtuar se do t’i kalojnë fondin e rindërtimit.
Saga e Milenës nisi pas tërmetit shkatërrues të 26 nëntorit 2019. Shtëpia e saj, e dëmtuar rëndë, u vlerësua për rikonstruksion me një fond prej 34 milionë lekësh të vjetra. Megjithatë, edhe pse kanë kaluar pesë vite, ky fond nuk iu dha kurrë.
“Çdo ditë që kalon, shtëpia ime bëhet më e rrezikshme. Sa herë ka stuhi, tjegullat fluturojnë mbi kokë. Nuk mund të jetoj më kështu. Jemi nën gërmadha,” shprehet Milena për Report Tv.
Pas sorollatjeve burokratike në Bashkinë e Krujës, thotë se përfaqësues lokalë i thanë se fondi është bllokuar nga pushteti qendror, e pikërisht për këtë arsye protetsoi para Ministrisë së Infrastrukturës.
“Paguam ekspertin për projektin e riparimit dhe çdo gjë ishte gati. Por përsëri fondi nuk kaloi. Nga bashkia më thanë se fondi ishte bllokuar nga qeveria qendrore,” rrëfen ajo.
Në mars të vitit 2023, ajo protestoi e vetme para Bashkisë së Krujës, duke kaluar natën jashtë për të tërhequr vëmendjen mbi situatën e saj të pashpresë. Në atë kohë, autoritetet vendore i premtuan se fondi për shtëpinë e saj do të aprovohej brenda dy javësh. Por asgjë nuk ndryshoi. Pasi siguroi lejen e ndërtimit në korrik 2023 dhe plotësoi të gjitha dokumentet e kërkuara, përsëri nuk iu dha fondi.
Sorollatjet burokratike mes pushtetit vendor dhe atij qendror e detyruan Milenën të bëjë protestë para Infrastrukturës, ku tashmë pas denoncimit në Report Tv pritet t'i jepet zgjidhje dhe fondi t'i lëvrohet.
Komente
Lajme të tjera
-
Autoriteti i Dosjeve propozim për Vilën 31 me ekspozita për jetën personale të Enver Hoxhës dhe Koçi Xoxes! Workshope për artin në diktaturë dhe ture me histori personale
17 Janar, 20:37 -
Krujë/ Policia kontrolle në akset kryesore të rrethit, objektiv janë automjetet me xhama të blinduara dhe ndalimi i personave në kërkim
17 Janar, 20:17 -
U hoq nga rrethrrotullimi, ‘Shqiponja’ nga Tirana në Kukës
17 Janar, 16:43 -
Veliaj:Tiranës do i shtohen edhe 10 shkolla të reja, subvencionojmë çerdhet dhe kopshtet si asnjë vend tjetër në rajon
17 Janar, 15:18 -
Ekspozitë në presidencë, ‘një copëz arti’ vjen nga Tetova! Begaj: Artistët të mos braktisin elementët kombëtarë
17 Janar, 14:29 -
Qëlloi me armë zjarri në ajër, arrestohet 27-vjeçari në Kamëz! Me precedentë të mëparshëm penal (EMRI)
17 Janar, 13:03 -
Dy eurodeputetë kërkuan evakuimin e fëmijës 1 vjeç dhe familjes së tij nga Gaza në Tiranë! Rama: Partnerët vlerësuan shërbimin tonë pediatrik! Kreu i OBSH: Shqipëria, shembull frymëzimi
17 Janar, 11:17
-
Kupa e Shqipërisë/ Mësohen katër ndeshjet çerekfinale! Partizani gjen Laçin, AF Elbasani luan me Vllazninë
17 Janar, 11:11 -
Vrau 81-vjeçarin me çekiç pas kafes në shtëpi, Gjykata e Tiranës lë në burg autorin
17 Janar, 11:07 -
Plas në PD, tjetër akuzë për manipulim në zgjedhjet për degën nr.2 në Tiranë! Kandidati: M’u ndryshua rezultati! Hije dyshimi për fryrjen e listave
17 Janar, 10:47 -
KPA rikthen në detyrë prokuroren e Tiranës Eriselda Bala
16 Janar, 21:10
-
Vota e Diasporës/ Kalojnë 20 mijë aplikime, KQZ refuzon 1600 persona për një ditë! KQZ rrëzon 1/3 e emigrantëve, shkak adresa e banimit
16 Janar, 18:25
Ju e denoncuat tani kete rast,por dhe ne Mars, kur beri protesten e pare.Dhe bashkia vetem premton e justifikohet.Ndiqeni e shkoini deri ne fund ketij rasti se bashkiaket i kane me thase premtimet,por kur vjen rradha te mbajne premtimet e te zgjidhin thesin,duket sikur ua kane lidhur gryken me nyjen gordiane.
Përgjigju