Sezoni i provimeve të shtetit për mësuesit do të nisë më 15 korrik. Kështu ka bërë të ditur Agjencia Kombëtare e Provimeve, sipas së cilës sezoni do të përfundojë në 26 korrik.
Provimi i parë do të jetë ai i gjuhës shqipe, në 15 korrik, ndërsa më pas do ti nënshtrohen testit mësuesit e historisë dhe gjeografisë. Në 18 korrik do të jenë tre orare të ndryshme për mësuesit e matematikës dhe fizikës, dhe ne 19 korrik do të jetë informatika.
Provimet vijojnë me gjuhët e huaja, ku ata të gjuhës angleze do të ti nënshtrohen testit në 22 korrik dhe gjuha italiane, frënge, greke, një ditë më pas.
Në 24 korrik do të jenë mësuesit e biologjisë dhe kimisë dhe në 25 ata të edukimit fizik, shkencave sociale dhe arsimit fillor.
Artet figurative dhe muzika do të mbyllin sezonin në 26 korrik. Mësuesia është profesioni më i ri që është përfshirë në profesionet e rregulluara.
Shkrimi u botua sot në gazetën Shqiptarj.com (print) 11.06.2013
Redaksia Online
(b.m/shqiptarja.com)
![](https://www.shqiptarja.com/template/img/sh_logo1.png)