Udhëzimi i firmosur nga ministrja e Arsimit Lindita Nikolla parashikon se testi do të zhvillohet në mënyrë dixhitale. Por ndryshe nga më parë MAS ka vendosur të mos ta quajë testim , por “Identifikim i nevojave të punonjësve arsimor për zhvillimin profesional”.
Ky “identifikim”, siç thuhet në udhëzim e MAS, do të ketë 30 pyetje dhe mësuesit do të kenë 60 minuta kohë për tu përgjigjur. “Instrumenti përmban 30 kërkesa me alternativa. Kërkesat e instrumentit fokusohen kryesisht në situata nga konteksti real i shkolles, pavarësisht profilit apo ciklit ku mësuesi jep mësim. Instrumenti zhvillohet per 60 minuta në forme dixhitale”, - thuhet në udhëzimin e Ministrisë së Arsimit.