Prrenjas/ Arrestohet 41-vjeçari, dhunoi punonjësin e shërbimit pyjor! Policia i gjen në shtëpi 400 litra naftë dhe 140 litra vaj lubrifikant kontrabandë

Prrenjas/ Arrestohet 41-vjeçari, dhunoi punonjësin e shërbimit pyjor! Policia i gjen në shtëpi 400 litra naftë dhe 140 litra vaj lubrifikant kontrabandë

Foto ilustruese

PRRENJAS – Një 41-vjeçar është arrestuar ditën e sotme nga policia pasi kishte goditur me grushte, për shkak të detyrës, punonjësin e shërbimit pyjor të Bashkisë Prrenjas.

Për më tepër, gjatë kontrollit në banesën e 41-vjeçarit të identifikuar me inicialet V.Rr. u gjetën 400 litra naftë dhe 140 litra vaj lubrifikant për mjete, të dyshuara të kontrabanduara.

“Seksioni për Hetimin e Krimeve Ekonomike dhe Financiare i DVP Elbasan, në bashkëpunim me Komisariatin e Policisë Librazhd, vunë në pranga shtetasin V. Rr., 41 vjeç, banues në Prrenjas.

Ndalimi i 41-vjeçarit u bë pas kallëzimit të një punonjësi të shërbimit pyjor, në bashkinë Prrenjas, se më datë 13.06.2024, ky shtetas e kishte goditur me grushte, për shkak të detyrës.

Në vijim të veprimeve policore për këtë rast, u kryen kontrolle në banesën e 41-vjeçarit, ku u gjetën 400 litra naftë dhe 140 litra vaj lubrifikant për mjete, të dyshuara të kontrabanduara”,-njofton policia.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme, për veprat penale "Goditjet për shkak të detyrës", "Kontrabanda e mallrave që paguhet akcizë" dhe "Ruajtja apo depozitimi i mallrave kontrabandë".

 

K.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Listat e deputetëve të hapura në 2/3 dhe jo plotësisht, jeni dakord?



×

Lajmi i fundit

1/3 e listës e mbyllur, Kristaq Kume në Report Tv: Pazar që drejtuesit e partive të mos humbasin fuqinë

1/3 e listës e mbyllur, Kristaq Kume në Report Tv: Pazar që drejtuesit e partive të mos humbasin fuqinë